મોરબીના ઘુંટુ ગામેથી સગીરાનુ અપહરણ કરીને દુષ્કર્મ આચરનાર આરોપી પકડાયો

મોરબીના ઘુંટુ ગામે રહેતા પરિવારની સગીર વયની દીકરીને લલચાવી ફોસલાવીને અપહરણ કરવામાં આવ્યું હતું અને ત્યાર બાદ તેણીની સાથે દુષ્કર્મ આચરવામાં આવ્યુ હતું જેની ફરિયાદ નોંધાઈ હતી. તે ગુનામાં તાલુકા પોલીસ દ્વારા મૂળ મધ્યપ્રદેશના ઇસમની ધરપકડ કરવામાં આવેલ છે.

મોરબી તાલુકા પોલીસ સુત્રોમાંથી મળતી માહિતી પ્રમાણે મૂળ ધોરાજીના અને હાલ ઘુંટુ પાસે રહીને મજુરી કામ કરતા પરિવારની ૧૫ વર્ષની સગીરવયની દીકરીને લલચાવી ફોસલાવીને બદકામના ઇરાદે અપહરણ કરીને લઈ જવામાં આવી હતી અને બાદમાં તેણીની સાથે દુષ્કર્મ આચરવામાં આવ્યું હતું. જે બનાવની સગીરાના પિતા દ્વારા ફરિયાદ નોંધાવવામાં આવી હતી. તે ગુનાની તપાસ તાલુકા પોલીસ સ્ટેશનના પીઆઇ એસ.કે.ચારેલ દ્વારા કરવામાં આવી હતી અને આરોપી જગદીશ બિહારીભાઈ આહીરવાલ (૨૧) રહે. હાલ નેલકો સિરામિક લેબર કવાટર જુના ઘુંટુ રોડ મોરબી મૂળ રહે. ગુરજામર ગામ જી.સાગર મધ્યપ્રદેશ વાળાની ધરપકડ કરવામાં આવી હતી.