મોરબી શહેર-તાલુકા અને હળવદમાં દારૂની ત્રણ રેડ: 21 બોટલ દારૂ-38 બિયરના ટીન સાથે ત્રણ આરોપીની ધરપકડ

મોરબીના સનાળા રોડ ઉપર આવેલ જીઆઇડીસીમાંથી પસાર થતી કારને રોકીને પોલીસે ચેક કરતા તે કારમાંથી 18 બોટલ દારૂ અને 36 બિયરના ટીન મળી આવ્યા હતા જેથી પોલીસે દારૂ બિયર તથા કાર મળીને કુલ 1,13,500 નો મુદ્દામાલ કબજે કર્યો હતો અને એ ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે

મોરબી એલસીબીની ટીમ પેટ્રોલિંગમાં હતી ત્યારે મોરબીના સનાળા રોડ ઉપર આવેલ જીઆઇડીસી શેરી નં-2 માંથી કાર નંબર જીજે 3 સીઆર 4616 પસાર થઈ રહી હતી જે કારને રોકીને પોલીસ દ્વારા ચેક કરવામાં આવતા કારમાંથી દારૂની 18 બોટલો તથા 36 બિયર ના ટીમ મળી આવ્યા હતા જેથી કરીને પોલીસે 13,500 ની કિંમતનો દારૂ બિયરનો જથ્થો તેમજ 1 લાખ રૂપિયાની કિંમતની ગાડી આમ કુલ મળીને 1,13,500 ની કિંમતના મુદ્દામાલ સાથે મનીષ ઉર્ફે પેંગો જયકિશન અનાવડીયા (25) રહે. માર્કેટ યાર્ડમાં મોરબી મૂળ રહે. રતનપર મીલની ચાલી ખોજાના કબ્રસ્તાન પાસે શેરી નં-15 સુરેન્દ્રનગર વાળા ની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધી આ શખ્સ પાસેથી મળી આવેલ દારૂની બોટલો ક્યાંથી આવી હતી તે દિશામાં તપાસ શરૂ કરી છે.

દારૂ-બીયર ઝડપાયો

મોરબી તાલુકાના સાપર ગામની સીમમાં આવેલ સ્કાય ટચ કારખાનામાં મજુરની ઓરડી નં-2 માં દારૂનો જથ્થો હોવાની હકીકત આધારે સ્થાનિક પોલીસ દ્વારા ત્યાં દારૂની રેડ કરવામાં આવી હતી ત્યારે સ્થળ ઉપરથી દારૂની ત્રણ બોટલ અને બે બિયરના ટીન મળી આવ્યા હતા જેથી પોલીસે કુલ મળીને 3,288 ની કિંમતનો મુદ્દા માલ કબજે કર્યો હતો અને આરોપી રાહુલભાઈ રમેશભાઈ મહાલીયા (24) રહે. સ્કાય ટચ સીરામીક લેબર ક્વાર્ટરમાં સાપર તાલુકો મોરબી મૂળ રહે. હેમંતપુરા તાલુકો પાટડી વાળાની ધરપકડ કરી હતી અને તેની સામે મોરબી તાલુકા પોલીસ સ્ટેશન ખાતે ગુનો નોંધાયો છે

બે બોટલ દારૂ

હળવદમાં આસ્થા રોડ મેલડી માતાજીના મંદિર પાસેથી પસાર થઈ રહેલા શખ્સને પોલીસ દ્વારા ચેક કરવામાં આવ્યો હતો ત્યારે તેની પાસેથી દારૂની બે બોટલો મળી આવી હતી જેથી પોલીસે 930 રૂપિયાની કિંમતની દારૂની બોટલો કબજે કરી હતી અને આરોપી ખેમરાજ મન્નાલાલ ડાંગી (41) રહે. હાલ હળવદ મોરબી ચોકડી પાસે મૂળ રહે. ઉદયપુર રાજસ્થાન વાળાની ધરપકડ કરી હતી અને તેની સામે હળવદ તાલુકા પોલીસ સ્ટેશન ખાતે ગુનો નોંધાયો છે.