મોરબીના પ્રેમજીનગર થયેલ યુવાનની હત્યાના ગુનામાં મહિલા સહિત ત્રણ આરોપી પકડાયા
Morbi Today
મોરબીના આમરણ ગામે કામે આવવાની ના પાડતા યુવાન ઉપર લાકડી વડે હુમલો કરનાર એક પકડાયો
SHARE
JOIN OUR GROUP
મોરબીના આમરણ ગામે કામે આવવાની ના પાડતા યુવાન ઉપર લાકડી વડે હુમલો કરનાર એક પકડાયો
મોરબીના આમરણ ગામે યુવાને મજૂરીકામે આવવાની ના પાડતા લાકડી વડે હુમલો કરવામાં આવતા બે ઈસમો સામે ફરિયાદ નોંધાવાયેલ જે પૈકી એકની તાલુકા પોલીસે ધરપકડ કરીને આગળની તપાસ હાથ ધરી છે.
મોરબીના આમરણ ગામે દરબારવાસ વિસ્તારમાં રહેતા રમેશભાઇ મેરૂભાઈ લીંબડ જાતે કોળી નામના ૪૫ વર્ષીય યુવાનને રાજ ડાંગર નામના ઇસમે તેને ત્યાં મજુરીકામે આવવા માટે જણાવ્યું હતું જેની રમેશભાઈ લીંબડે ના પડતાં ઉશ્કેરાઈ જઈને રાજ ડાંગર તથા પરેશ પટેલ નામના બે ઇસમોએ રમેશભાઈ ઉપર લાકડી વડે હુમલો કર્યો હતો જેથી ભોગ બનેલા યુવાને સારવાર બાદ રાજ ડાંગર અને પરેશ પટેલ વિરૂદ્ધ ફરિયાદ નોંધાવી હતી જેમાં તપાસ અધીકારી એએસઆઈ એન.જે.ખડીયાએ બે પૈકીના રાજ ઉર્ફે ભયલુ નાગદાન ડાંગર બોરીચા (ઉમર ૨૪) રહે.નવા બેલા (આમરણ) તા.જી.મોરબીની ધરપકડ કરેલ છે.
વૃદ્ધ સારવારમાં
મોરબી તાલુકાના જીવાપર (ચકમપર) ગામે રહેતા અરવિંદભાઇ ત્રિકમજીભાઈ કાલરીયા નામના ૬૩ વર્ષીય વૃદ્ધ સાઈકલ લઈને જતા હતા તે દરમિયાન પડી જતાં ઈજાગ્રસ્ત થયેલા અરવિંદભાઈને સારવાર માટે લઇ જવામાં આવ્યા હતા. જ્યારે મોરબીના સામાકાંઠે આવેલ ભડીયાદ વિસ્તારમાં રહેતા અરૂણાબેન જગદીશભાઈ પરમાર નામના ૫૦ વર્ષીય મહિલા બાઈકના પાછળના ભાગે બેસીને જતા હતા ત્યારે બાઇકને અચાનક બ્રેક મારવામાં આવતા બાઈક સ્લીપ મારી ગયું હતું જેથી ઇજાગ્રસ્ત અરૂણાબેન પરમારને સારવારમાં અહીંની સિવિલ હોસ્પિટલમાં લાવવામાં આવ્યા હતા.
યુવાન સારવારમાં
મોરબી-હળવદ હાઈવે ઉપર આંદરણા ગામ નજીક આવેલ લાભુભાઈ સવજીભાઈની વાડીએ લાલેશ રમેશ ભીલ જાતે આદિવાસી નામના ૨૫ વર્ષીય યુવાનને કામ દરમિયાન ઝેરી જનાવર કરડી જતા લાલેશભાઈ ભીલને સારવાર માટે સિવિલ હોસ્પિટલે ખસેડાયો હતો.જ્યારે મોરબીના લાલપર ગામ પાસેના ફેમ સીરામીક નજીક રહીને મજૂરીકામ કરતા સોરલકુમાર શિંદે નામનો ૨૦ વર્ષીય યુવાન શક્તિ ચેમ્બર પાસેથી રોડ ક્રોસ કરતો હતો ત્યારે અજાણ્યા બાઇક ચાલકે તેને હડફેટે લેતા સોરલકુમાર શીંદેને આયુષ હોસ્પિટલે સારવાર માટે લવાયો હતો.
