મોરબી વોર્ડ નંબર 5 ના સ્થાનિક પ્રશ્નોની મહિલા ભાજપ આગેવાને કમિશનરને કરી રજૂઆત
SHARE
JOIN OUR GROUP
મોરબી વોર્ડ નંબર 5 ના સ્થાનિક પ્રશ્નોની મહિલા ભાજપ આગેવાને કમિશનરને કરી રજૂઆત
મોરબીની નાની બજારમાં રહેતા શહેર ભાજપ મહિલા મોરચાના ઉપપ્રમુખ આરતીબા રાણાએ હાલમાં મોરબી મહાનગરપાલિકાના કમિશનરને વોર્ડ નંબર 5 ના સ્થાનિક પ્રશ્નોની રજૂઆત કરેલ છે જેમાં જણાવ્યુ છે કે, આ વોર્ડમાં ઘણા બધા સ્થાનિક પ્રશ્નો છે જેમાં ગટર, પાણી, ભૂગર્ભ, વીજળી લાઈટ, રસ્તાના કામ, ગટરના તૂટેલા ઢાંકણા વિગેરેનો સમાવેશ થાય છે. અને આગામી દિવસોમાં ચૂંટણી આવશે તે પહેલા આ બધા પ્રશ્નોનો ઉકેલ નહીં કરવામાં આવે તો અમારા વિસ્તારના મતદારો નારાજગી વ્યક્ત કરશે. તેવું દેખાઈ રહ્યું છે અને ખાસ કરીને બક્ષી શેરી, બુઢા બાવાની શેરી, ખોખાણી શેરી, જોડીયા હનુમાન શેરીમાં બ્લોક નાખવાના બાકી છે તેમજ રાજપૂત સમાજની વાડી આવેલ છે ત્યાં પણ બ્લોક નાખવાના બાકી છે. મોરબીમાં મહેન્દ્ર ઘાટની બજાર પાસે નદી કાંઠે લોડર ફેરવવું, ઘાટ ઉપર પાળી તૂટી ગયેલ હોવાથી ગાય સહિતના અબોલ જીવ અવાર નવાર નીચે પડે છે ત્યારે તેના માટે યોગ્ય કરવામાં આવે તેવી માંગ કરી છે.
