મોરબી તાલુકા પંચાયતે ગવર્નમેંટ ઇ-માર્કેટ મારફતે વસાવેલ સીસીટીવી કેમેરા અને ભાડાની ગાડીમાં કૌભાંડની આશંકા

મોરબી તાલુકા પંચાયતના પ્રમુખની ગાડી ભાડે રાખવામાં આવી છે તેને લઈને તેમજ તાલુકા પંચાયતમાં મૂકવામાં આવેલ સીસીટીવી કેમેરાને લઈને હાલમાં કેટલાક પ્રશ્નો ઊભા થયા છે અને ભ્રષ્ટાચાર થયો હોવાની ચર્ચા ચાલી રહી છે તેવામાં જે ભાવથી કેમેરા મૂકવામાં આવેલ છે તેનાથી ચોથા ભાગની કિંમતે બજારમાં ખુલ્લા ભાવે તે કેમેરા મળી રહે તેમ છે જેથી સરકારે નક્કી કરેલ ગાઈડ લાઇન મુજબ કેમેરાની ખરીદી કરવામાં આવેલ છે તો સરકાર દ્વારા શા માટે ઊંચા ભાવે કેમેરાની ખરીદી કરવામાં આવી તે સૌથી મોટો સવાલ છે.

મોરબી તાલુકા પંચાયતને સરકાર તરફથી વિકાસ કામો કરવા માટે થઈને ગ્રાન્ટો મળતી હોય છે અને તે ઉપરાંત તાલુકા પંચાયતના પ્રમુખને સરકારી ગાડી પણ મળતી હોય છે જોકે તાલુકા પંચાયતના પ્રમુખની જૂની સરકારી ગાડીની મર્યાદા પૂરી થઈ ગયેલ હતી જેથી તે ગાડીને કન્ડમ કરીને વેચાણ કરી નાખવામાં આવેલ હતી ત્યારબાદ નવી ગાડી લેવા માટે સરકાર તરફથી મંજૂરી મળી ન હોવાથી હાલમાં ભાડા ઉપર ગાડી રાખવામાં આવેલ છે અને તેના માટેની ગવર્નમેંટ ઇ માર્કેટ (જીઈએમ) મારફતે ગાડી ભાડે રાખવામાં આવેલ છે અને તાલુકા પંચાયતમાં આવતા જતા લોકોની અવરજવર ઉપર દેખરેખ રહી શકે તે માટે થઈને સરકારી ગ્રાન્ટ હેઠળ સીસીટીવી કેમેરા મુકવામાં આવ્યા છે તેની ખરીદી પણ ગવર્નમેંટ ઇ માર્કેટ મારફતે કરવામાં આવેલ છે

આ બંને કામમાં ભ્રષ્ટાચાર થયો હોવાની ચર્ચા ચાલી રહી છે ત્યારે આ બાબતે જિલ્લા તાલુકા પંચાયતના ટીડીઓ પી.એસ.ડાંગર સાથે કરતાં તેમણે કહ્યું હતું કે, સીસીટીવી કેમેરાની ખરીદી ગવર્નમેંટ ઇ માર્કેટ મારફતે કરવામાં આવેલ છે અને તેના માટે 6 જેટલી પાર્ટીના ભાવ આવ્યા હતા જેમાંથી સૌથી નીચા ભાગ રાજકોટના પિરામિડ સોલ્યુસનના હતા જેથી તેની પાસેથી કેમેરા લેવામાં આવેલ છે. અને તાલુકા પંચાયતમાં 13 કેમેરા ફિટ કરવામાં આવેલ છે જેની સામે 6 લાખનું બિલ આપવામાં આવ્યું છે. અને આ બંને કામ તેઓના કહેવા મુજબ સરકારના નીતિ નિયમો અને ધારા ધોરણ મુજબ કરવામાં આવ્યા છે જેથી કરીને તાલુકા પંચાયત તથા સરકાર બદનામ થાય તે રીતે જે ખોટી ચર્ચા વહેતી કરનારની સામે આગામી સમયમાં લીગલી કાર્યવાહી થાય તેવા સંકેતો ટીડીઓ તરફથી મળેલ છે.