વાંકાનેર તાલુકામાં ખાણના માલિક સામે ગુનો નોંધાયો

વાંકાનેર તાલુકાના પાડધરા ગામથી આગળ ભેરડા ગામ તરફ જવાના રસ્તા ઉપર આવેલ ખાણમાં કામ કરતાં મજૂરોના આઇડી પ્રૂફ લેવામાં આવેલ ન હતા જેથી કલેકટરના જાહેરનામાનો ભંગ થતો હતો માટે ખાણના માલિક સામે હાલમાં વાંકાનેર તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે.

જાણવા મળતી માહિતી મુજબ જિલ્લા કલેકટર દ્વારા મોરબીના ઔદ્યોગિક વિસ્તાર તથા અન્ય જગ્યા ઉપર કામ કરતા શ્રમિકોના આધાર પુરાવા લેવા માટે થઈને અને નજીકના પોલીસ સ્ટેશનમાં જાણ કરવા માટે જાહેરનામું પ્રસિદ્ધ કર્યું છે તો પણ ઘણી વખત પોલીસને મજૂરોની જાણ કરવામાં આવતી નથી તેવામાં વાંકાનેર તાલુકાના પાડદરા ગામથી આગળના ભાગમાં ભેરડા ગામ તરફ જવાના રસ્તા ઉપર પેટ્રોલ પંપની સામેના ભાગમાં બેલાની ખાણ આવેલ છે અને આ બેલાની ખાણની અંદર કામ કરતા યુપીના પરપ્રાંતીય મજૂરોના આઈડી પ્રૂફ લેવામાં આવ્યા ન હતા અને પોલીસ સ્ટેશનમાં જાણ કરવામાં આવી ન હતી જેથી કરીને બેલાની ખાણના માલિક ભરતભાઈ બાબુભાઈ ઓડેદરા (33) રહે.હાલ પાડધરા બેલાની ખાણે તાલુકો વાંકાનેર મુળ રહે. ખાપટ તાલુકો પોરબંદર વાળાની સામે કલેકટરના જાહેરનામા ગુનો નોંધીને પોલીસે આગળની કાર્યવાહી હાથ ધરી છે