મોરબીના ઘુટુ પાસે બાઇકને ટ્રેલર ચાલકે હડફેટે લેતા યુવાનનું મોત
SHARE
JOIN OUR GROUP
મોરબીના ઘુટુ પાસે બાઇકને ટ્રેલર ચાલકે હડફેટે લેતા યુવાનનું મોત
મોરબી હળવદ હાઈવે ઉપર આવેલ ઘુટુ ગામ પાસેથી બાઇક લઇને પસાર થઇ રહેલા યુવાનના બાઇકને ટ્રેલર ચાલકે હડફેટે લેતા બાઇક ચાલક યુવાનનું મોત નિપજયું હતુ જેથી કરીને મૃતક યુવાનના ભાઈએ હાલમાં ટ્રેલર ચાલકની સામે મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા માટે કાર્યવાહી હાથ ધરી છે
બનાવની જાણવા મળતી વિગતો પ્રમાણે મોરબી નજીકના ત્રાજપર ખારી વિસ્તારની અંદર રહેતા અને સિરામિકમાં મજૂરીકામ કરતાં સુરેશભાઈ નારણભાઈ સનુરા જાતે કોળી (ઉંમર ૨૮) એ હાલમાં ટ્રેલર નંબર આરજે ૦૭ જીડી ૨૬૪૫ ના ચાલકની સામે ફરિયાદ નોંધાવી છે જેમાં તેણે જણાવ્યું છે કે તેનો ભાઈ સંજય નારણભાઈ સનુરા (૨૦) પોતાનું બાઇક નંબર જીજે ૩૬ એએ ૬૪૪૭ લઈને મોરબીના ઘૂંટુ ગામ પાસે આવેલ પીએચસી પાસેથી પસાર થઈ રહ્યો હતો ત્યારે ટ્રેલર ચાલકે પોતાનું વાહન બેફીકરાઈથી ચલાવીને તેના ભાઈના બાઈકને હડફેટે લીધું હતું જેથી કરીને સંજયને ગંભીર ઈજા થવાના કારણે તેનું મોત નીપજ્યું છે અને ટ્રેઇલર ચાલક પોતાનું વાહન મૂકીને નાસી ગયો હતો જેથી કરીને હાલમાં મૃતક યુવાનના ભાઈ સુરેશભાઈ સનુરાએ મોરબી તાલુકા પોલીસ સ્ટેશન ખાતે ટ્રેલર ચાલકની સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
