મોરબી નજીક કેનાલમાંથી મૃત હાલતમાં નવજાત બાળક મળવાના બનાવમાં અજાણી મહિલા સામે ગુનો નોંધાયો
SHARE
JOIN OUR GROUP
મોરબી નજીક કેનાલમાંથી મૃત હાલતમાં નવજાત બાળક મળવાના બનાવમાં અજાણી મહિલા સામે ગુનો નોંધાયો
મોરબી તાલુકાના નાનીવાવડી ગામે નેસ્ટ સ્કુલ અને ગામની વચ્ચેથી પસાર થતી કેનાલમાંથી તાજુ જન્મેલ મૃત બાળક મળી આવ્યું હતું જેથી આ બનાવની મોરબી તાલુકા પોલીસને જાણ કરવામાં આવી હતી અને આ બનાવ સંદર્ભે હાલમાં અજાણી મહિલા સામે મોરબી તાલુકા પોલીસ સ્ટેશન ખાતે ગુનો નોંધીને પોલીસે આરોપી મહિલાને પકડવા માટે તજવીજ શરૂ કરેલ છે.
જાણવા મળતી માહિતી મુજબ મોરબી તાલુકાના નાનીવાવડી ગામે નેસ્ટ સ્કૂલ અને ગામ વચ્ચેથી પસાર થઈ રહેલી મચ્છુની કેનાલમાં બે દિવસ પહેલા તાજુ જન્મેલ બાળક મૃત હાલતમાં મળી આવ્યું હતું જેથી કરીને આ બનાવની તે સમયે મોરબી તાલુકા પોલીસને જાણ કરતા પોલીસની ટીમ ઘટના સ્થળે પહોંચી હતી અને મૃત બાળકને સરકારી હોસ્પિટલે લઈને આવ્યા હતા અને ત્યારબાદ આ બનાવ સંદર્ભે હાલમાં નાનીવાવડી ગામે બજરંગ સોસાયટીમાં રહેતા અશ્વિનભાઈ બચુભાઈ પડસુંબીયા (40) નામના યુવાનની ફરિયાદ લઈને હાલમાં અજાણી મહિલા સામે મોરબી તાલુકા પોલીસ સ્ટેશન ખાતે ગુનો નોંધીને મૃત હાલતમાં બાળકને ત્યજી દેનાર મહિલાને શોધવા માટે પોલીસે આગળની તજવીજ હાથ ધરી છે આ અંગેની આગળની વધુ તપાસ મોરબી તાલુકા પોલીસ સ્ટેશનના ફિરોજભાઈ સુમરા ચલાવી રહ્યા છે.
