મોરબીમાં ત્રિકોણબાગમાં બનાવેલ પાર્કિંગમાંથી બે બાઈકની ચોરી

મોરબીના પરબજાર પાસે આવેલ એસબીઆઇ બેન્ક સામેના ભાગમાં ત્રિકોણબાગની અંદર પાર્કિંગ બનાવવામાં આવ્યું છે તે પાર્કિંગમાંથી અવારનવાર વાહનોની ચોરી થતી હોય છે તેવી જ રીતે તાજેતરમાં બે બાઈકની ચોરી કરવામાં આવેલ છે જેથી કરીને ભોગ બનેલા બંને યુવાન દ્વારા મોરબી સીટી એ ડિવિઝન પોલીસ સ્ટેશન ખાતે બાઈક ચોરીની ફરિયાદ નોંધાવવામાં આવેલ છે

જાણવા મળતી માહિતી મુજબ મોરબી તાલુકાના વાઘપર પીલુડી ગામે રહેતા ઘનશ્યામભાઈ ભાણજીભાઈ સંઘાણી (44) નામના યુવાને મોરબી એ ડિવિઝન પોલીસ સ્ટેશન ખાતે વાહન ચોરીની ફરિયાદ નોંધાવી છે જેમાં તેને જણાવ્યુ છે કે, મોરબીમાં એસબીઆઇ બેન્કની સામેના ભાગમાં આવેલ ત્રિકોણબાગના પાર્કિંગમાં તેને પોતાનું બાઈક નંબર જીજે 3 ડીએચ 4367 કરીને મૂક્યું હતું જે 15,000 ની કિંમતના બાઈકની ચોરી કરવામાં આવેલ છે આવી જ રીતે મોરબીના પંચાસર રોડ ઉપર આવેલ ઢીલાની વાડીમાં રહેતા મકનભાઈ નાનજીભાઈ હડીયલ (38)એ મોરબી એ ડિવિઝન પોલીસ સ્ટેશન ખાતે વાહન ચોરીની ફરિયાદ આપેલ છે જેમાં તેને જણાવ્યું છે કે ત્રિકોણબાગના પાર્કિંગમાં તેને પોતાનું બાઈક નંબર જીજે 3 બીએલ 5487 પાસ કરીને મૂક્યું હતું જે 10,000 રૂપિયાની કિંમતના બાઈકની કોઈ અજાણ્યા શખ્સે ચોરી કરેલ છે જેથી વાહન ચોરીના બે ગુના નોંધીને પોલીસે આરોપીને પકડવા માટે તજવીજ શરૂ કરેલ છે