મોરબીમાં બાગાયતદાર ખેડુતો વિવિધ સહાય મેળવવા માટે ઓનલાઈન અરજી કરી શકશે
Morbi Today
મોરબી જીલ્લામાં હોટલ, બિલ્ડીંગ, પેટ્રોલ પંપ સહિતના 125 આસામીઓને પાણી ચોરી માટે 12.92 કરોડનો દંડ
SHARE
JOIN OUR GROUP
મોરબી જીલ્લામાં હોટલ, બિલ્ડીંગ, પેટ્રોલ પંપ સહિતના 125 આસામીઓને પાણી ચોરી માટે 12.92 કરોડનો દંડ
મોરબી જીલ્લામાં નર્મદાની પાણીની લાઇન નીકળે છે તેમાંથી ગેરકાયદે કનેક્શન લઈને પાણી ચોરી કરવામાં આવે છે જેથી કરીને અવાર નવાર ચેકિંગ કરીને ગેરકાયદે કનેક્શન કાપવામાં આવે છે તો પણ પાણી ચોરીની પ્રવૃતિ બંધ થતી નથી તેવામાં પાણી પુરવઠા વિભાગની ટીમે મોરબી અને માળિયા તાલુકાના 14 ગામોમાં ચેકિંગ કર્યું હતું ત્યારે હોટેલ, બિલ્ડીંગ, પેટ્રોલ પંપ સહિતના 125 આસામીઓ પાણી ચોરી કરતા હોવાનું સામે આવ્યું હતું જેથી કરીને કુલ મળીને 12.92 કરોડનો દંડ કર્યો છે.
મોરબીમાંથી નર્મદાની પાણીની પાઈપલાઈન પસાર થાય છે અને તેમાંથી મોરબી, રાજકોટ, જામનગર તેમજ દ્વારકા જીલ્લામાં જીડબલ્યુઆઈએલ દ્વારા પાણી આપવામાં આવે છે જો કે, આ પાણીની લાઇનમાંથી ગેરકાયદે કનેશક્ન લઈને પાણી ચોરી કરવામાં આવે છે જેથી કરીને જામનગર અને દ્વારકા સુધી પાણી પહોંચતું નથી માટે પાણી પુરવઠા બોર્ડ અને જીડબલ્યુઆઈએલની ટીમે છેલ્લા દિવસોમાં મોરબીના અમરેલી, લુંટાવદર, પીપળીયા, જુના નાગડાવાસ, બરવાળા, ખેવારીયા, ધરમપુર, હજનાળી, વીરપરડા અને જેપુર તેમજ માળિયાના ઘાટીલા, ખાખરેચી, વેણાસર, ચાચાવદરડા સહિતના 14 ગામ પાસે ચેકિંગ કર્યું હતું ત્યારે હોટલ, બિલ્ડીંગ, શાળા, પેટ્રોલ પંપ, જીનીંગ મિલ સહિતની 125 આસામીઓ દ્વારા પાણી ચોરી કરવામાં આવી રહી હોવાની માહિતી સામે આવેલ હતી જેથી કરીને તે કનેક્શનોને કાપી નાખ્યા હતા અને પાણી ચોરી કરનાર આસામીઓને કુલ મળીને 12.91 કરોડનો દંડ કરવામાં આવેલ છે.
