મોરબીમાંથી દેશી તમંચા અને કાર્ટિસ સાથે એક શખ્સની ધરપકડ

મોરબીમાં રણછોડનગર મેઇન રોડ ઉપર આવેલ અમૃત પાર્ક ખોડીયાર ડેરી ફાર્મ પાસેથી પસાર થઈ રહેલા શખ્સને રોકીને પોલીસે ચેક કર્યો હતો ત્યારે તેની પાસેથી દેશી બનાવટનો એક તમંચો અને બે કાર્ટિસ મળી આવ્યા હતા જેથી કરીને પોલીસે 10,400 ની કિંમતનો મુદ્દામાલ કબજે કરીને આરોપીની ધરપકડ કરી આગળની કાર્યવાહી હાથ ધરી છે

જાણવા મળતી વિગત પ્રમાણે મોરબી જિલ્લા એસ.ઓ.જી.ની ટીમ પેટ્રોલિંગમા હતી ત્યારે મોરબીમાં રણછોડનગર મેઇન રોડ ઉપર આવેલ અમૃત પાર્ક ખોડીયાર ડેરી ફાર્મ પાસેથી પસાર થયેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દેશી બનાવટનો એક તમંચો તથા બે જીવતા કાર્ટિસ મળી આવ્યા હતા જેથી કરીને પોલીસે 10,400 ની કિંમતનો મુદ્દામાલ કબજે કર્યો હતો અને આરોપી અજયકુમાર મનભરણ સિંઘ (36) રહે. નવા પ્લોટ વિસ્તાર લાલપર તાલુકો મોરબી હાલ રહે. રણછોડનગર સેન્ટ મેરી સ્કૂલ પાછળ મોરબી મૂળ રહે બિહાર વાળાની ધરપકડ કરી હતી અને તેની સામે બી ડિવિઝન પોલીસ સ્ટેશન ખાતે આર્મ્સ એક્ટ મુજબ ગુનો નોંધીને આ શખ્સ પાસેથી મળી આવેલ હથિયાર તે પોતાની પાસે શા માટે રાખતો હતો અને હથિયાર ક્યાંથી લાવ્યો હતો તે દિશામાં આગળની તપાસ બી ડિવિઝન પોલીસ સ્ટેશનના પીએસઆઇ આર.પી. જાડેજા ચલાવી રહ્યા છે

એક બોટલ દારૂ

મોરબીના પંચાસર રોડ ઉપર આવેલ નાની કેનાલ પાસેથી પસાર થયેલા શખ્સને રોકીને પોલીસ દ્વારા ચેક કરવામાં આવતા તેની પાસેથી દારૂની એક બોટલ મળી આવી હતી જેથી કરીને 300 રૂપિયાની કિંમતની દારૂની બોટલ કબજે કરવામાં આવી હતી અને આરોપી આરોપી રમિઝખાન નુરાખાભાઈ સિપાઈ (36) રહે. કાલિકા પ્લોટ શેરી નં-1 મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધાયો છે