ટંકારાના સરાયા ગામે ઘોડી દૂર ચલાવવાનું કહેતા યુવાન સહિત બે વ્યક્તિને ઘોકા વડે માર માર્યો

ટંકારાના સરાયા ગામે રહેતો યુવાન પોતાની ભેંસો લઈને ઘરે જતો હતો ત્યારે તે જ ગામમાં રહેતો એક શખ્સ ઘોડી લઈને નીકળતા ભેંસો ભડકી હતી જેથી ઘોડી દૂર ચલાવવા માટે કહ્યું હતું જે તેને સારું ન લાગતા ગાળો આપી હતી અને ત્યારબાદ તેને યુવાન સહિત બે વ્યક્તિ ઠપકો આપવા માટે ગયા હતા ત્યારે બે શખ્સોએ ગાળો આપીને ધોકા વડે બંનેને માર માર્યો હતો જેથી હાલમાં ભોગ બનેલા યુવાને ટંકારા તાલુકા પોલીસ સ્ટેશન ખાતે બે શખ્સની સામે ફરિયાદ નોંધાવેલ છે.

જાણવા મળતી માહિતી મુજબ ટંકારા તાલુકાના સરાયા ગામે રહેતા ઈરફાનભાઇ ઇબ્રાહીમભાઇ જુણેજા (24) એ હાલમાં ટંકારા તાલુકા પોલીસ સ્ટેશન ખાતે નયુમભાઈ મુસાભાઇ વિકીયા અને અયુબભાઈ મુસાભાઇ વિકીયાની સામે ફરિયાદ નોંધાવેલ છે જેમાં તેને જણાવ્યુ છે કે, સરાયા ગામે પોતાની વાડીએથી પોતાની ભેંસો લઈને ઘર તરફ આવતા હતા.ત્યારે નયુમ ઘોડી લઈને ત્યાંથી નીકળ્યો હતો.જેથી ફરિયાદીની ભેંસો ભડકી હોય ઘોડી દૂર ચલાવવા માટે તેને કહ્યું હતું.જે તેને સારું નહીં લાગતા તેણે ફરિયાદી યુવાનને ગાળો આપી હતી અને ત્યાંથી જતો રહ્યો હતો.ત્યારબાદ ફરિયાદી તથા સાહેદ કાળુભાઈ નયુમને ઠપકો આપવા માટે ગયા હતા અને ત્યારે બંને આરોપીઓએ ફરિયાદી અને સાહેદને ગાળો આપીને લાકડાના ધોકા તેમજ પાવડાના હાથા વડે માર માર્યો હતો જેથી ઈજા પામેલ યુવાનને સારવાર લીધા બાદ બે શખ્સોની સામે ફરિયાદ નોંધાવતા ટંકારા પોલીસે ગુનો નોંધી આરોપીને પકડવા માટે તજવીજ શરૂ કરી છે.