ટંકારાના વીરપર પાસે કાર ચાલકે બાઇકને ટક્કર મારતા સર્જાયેલ અકસ્માતમાં વૃદ્ધનું મોત

મોરબી ટંકારા હાઇવે રોડ ઉપર વીરપર ગામ પાસે આવેલા પંપ નજીકથી વૃદ્ધ પોતાનું બાઈક લઈને પસાર થઈ રહ્યા હતા ત્યારે સ્વિફ્ટ ડિઝાયર ગાડીના ચાલકે પાછળથી તેના બાઈકને ટક્કર મારી હતી જેથી અકસ્માત થયો હતો અને તેમાં વૃદ્ધને ઈજા થઈ હોવાથી તેનું મોત નીપજ્યું હતું જે બનાવ સંદર્ભે હાલમાં મૃતક વૃદ્ધના દીકરાએ ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે

જાણવા મળતી માહિતી મુજબ મોરબીના સનાળા રોડ ઉપર આવેલ ગોકળદાસ પ્રાગજીના જીનની પાછળની ભાગમાં મોર ભગતની વાડી ખાતે રહેતા ગૌતમભાઈ ગોવિંદભાઈ પરમાર (42) એ ટંકારા તાલુકા પોલીસ સ્ટેશન ખાતે સ્વિફ્ટ ડિઝાયર ગાડી નં. જીજે 3 ઇઆર 7269 ના ચાલક સામે ફરિયાદ નોંધાવેલ છે.જેમાં જણાવ્યુ છે કે, મોરબી ટંકારા હાઈવે રોડ ઉપર આવેલ વીરપર ગામ પાસે એલપીજીના પંપની સામેના ભાગમાંથી તેઓના પિતા ગોવિંદભાઈ જીવાભાઇ પરમાર (૭૦) બાઇક નં. જીજે 3 એચડી 9743 લઈને પસાર થઈ રહ્યા હતા ત્યારે સ્વિફ્ટ ડિઝાયર ગાડીના ચાલકે તેના બાઈકને પાછળથી ટક્કર મારી હતી જેથી અકસ્માતનો બનાવ બન્યો હતો અને અકસ્માતના બનાવમાં ફરિયાદીના પિતાને માથાના ભાગે ગંભીર ઇજા થયેલ હતી જેથી તેનું મોત નીપજ્યું હતું અને અકસ્માત મૃત્યુના બનાવમાં હાલમાં મૃતક વૃદ્ધના દીકરાએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરી છે.