મોરબીમાં ઘર સામેથી દારૂની 200 બોટલ-96 બીયરના ટીન ઝડપાયા: આરોપીની શોધખોળ

મોરબીના વીસીપરા વિસ્તારમાં અમરેલી રોડ ઉપર પગે અગેચાણિયા વાડી વિસ્તારમાં રહેતા શખ્સનાં ઘર સામે દારૂનો જથ્થો રાખ્યો હોવા અંગેની પોલીસને હકીકત મળી હતી જેના આધારે આરોપીના ઘર સામે બાવળની જાળીમાં દારૂની રેડ કરવામાં આવી હતી ત્યારે ત્યાંથી દારૂની નાની મોટી કુલ મળીને 200 બોટલો તેમજ 96 બિયરના ટીન મળી આવતા પોલીસે 86,360 ની કિંમતનો દારૂ બિયરનો જથ્થો કબજે કર્યો હતો જો કે, રેડ કરવામાં આવી ત્યારે આરોપી હાજર ન હોય તેની સામે બી ડિવિઝન પોલીસ સ્ટેશન ખાતે ગુનો નોંધી આરોપીને પકડવા માટે તજવીજ શરૂ કરી છે

જાણવા મળતી વિગત પ્રમાણે મોરબી બી ડિવિઝન પોલીસની ટીમ પેટ્રોલિંગમાં હતી ત્યારે મોરબીના વીસીપરા વિસ્તારમાં અમરેલી રોડ ઉપર અગેચાણિયા વાળી વિસ્તારમાં રહેતા રોહિત ઉર્ફે બલૂ અગેચાણીયાના રહેણાંક મકાન પાસે દારૂનો જથ્થો હોવા અંગેની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે રોહિત અગેચાણિયાના ઘર પાસે બાવળની જાળીમાંથી દારૂની મોટી 120 બોટલ તથા નાની 80 બોટલ અને બિયરના 96 ટીમ મળી આવ્યા હતા જેથી પોલીસે દારૂ બિયરનો 86,360 ની કિંમતનો મુદ્દામાલ કબજે કર્યો હતો અને મોરબી બી ડિવિઝન પોલીસ સ્ટેશન ખાતે રોહીત ઉર્ફે બલૂ બાબુભાઈ અગેચાણીયા રહે. વીસીપરા અમરેલી રોડ અગેચાણિયા વાડી વિસ્તાર મોરબી વાળા સામે ગુનો નોંધીને આરોપીને પકડવા માટે તજવીજ શરૂ કરી છે