ટંકારા તાલુકાનાં નેકનામ-સખપર ગામની સીમમાંથી દારૂની નાની-મોટી 1,125 બોટલ સાથે એક પકડાયો: એકની શોધખોળ

ટંકારાના નેકનામ અને સખપર ગામની સીમમાં બાવળની કાટમાં દારૂની રેડ કરી હતી ત્યારે ત્યાંથી દારૂની નાની અને મોટી 1,125 બોટલ મળી હતી જેથી પોલીસે દારૂનો જથ્થો કબ્જે કર્યો હતો અને એક શખ્સનું નામ સામે આવ્યું છે જેથી કરીને પોલીસે તેને પકડવા માટે તજવીજ શરૂ કરી છે.

જાણવા મળતી માહિતી મુજબ ટંકારા તાલુકાના નેકનામ અને સખપર વચ્ચેની સીમ કલ્પેશ જેરામભાઈ રહે. કોઠારીયા તાલુકો રાજકોટ વાળાનો દારૂનો જથ્થો હોવાની બાતમી મળી હતી જેના આધારે પોલીસે ત્યાં બાવળની કાટમાં દારૂની રેડ કરી હતી ત્યારે આરોપી પાસેથી દારૂની નાની અને મોટી 1,125 બોટલ મળી આવી હતી જેથી કરીને પોલીસે 2,14,400 નો દારૂ અને એક મોબાઈલ આમ કુલ મળીને 2,19,400 નો મુદામાલ કબજે કરેલ છે અને આરોપી કલ્પેશ જેરામભાઈની ધરપકડ કરી છે અને પ્રાથમિક પૂછપરછમાં આસિફ કડીવાર રહે. રાજકોટ વાળાનું નામ સામે આવ્યું છે જેથી કરીને પોલીસે બે શખ્સની એસએમે ગુનો નોંધીને બીજા આરોપીને પકડવા માટે તજવીજ શરૂ કરી છે.