મોરબી-વાંકાનેરમાં જુગારની ત્રણ રેડ: 10 શખ્સો જુગાર રમતા પકડાયા
Morbi Today
મોરબી નજીક અજાણી કારના ચાલકે બાઇકને હડફેટે લેતા યુવાનનું મોત: માસૂમ બાળકીએ પિતાની છત્રછાયા ગુમાવી
SHARE
JOIN OUR GROUP
મોરબી નજીક અજાણી કારના ચાલકે બાઇકને હડફેટે લેતા યુવાનનું મોત: માસૂમ બાળકીએ પિતાની છત્રછાયા ગુમાવી
મોરબી માળીયા હાઇવે રોડ ઉપર આવેલ હોટલ નજીકથી બાઈક લઈને યુવાન પસાર થઈ રહ્યો હતો ત્યારે અજાણી કારના ચાલકે તેના બાઇકને હડફેટે લીધું હતું જેથી અકસ્માતનો બનાવ બન્યો હતો જેમાં ઇજા પામેલ યુવાનને સારવારમાં ખસેડવામાં આવ્યો હતો અને સારવાર દરમિયાન તે યુવાનનું મોત નીપજયું હતું આ બનાવ સંદર્ભે હાલમાં મૃતક યુવાનના પિતાએ અજાણી કારના ચાલકની સામે મોરબી બી ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ મૂળ સુરેન્દ્રનગર જિલ્લાના વઢવાણાના રહેવાસી અને હાલમાં મોરબી તાલુકાના પીપળી ગામ પાસે આવેલ શિવ પાર્કમાં રહેતા ધીરજભાઈ છગનભાઈ નાગડુકિયા (58)એ અજાણી કારના ચાલક સામે ફરિયાદ મોરબી બી ડિવિઝન પોલીસ સ્ટેશન ખાતે નોંધાવી છે જેમાં તેને જણાવ્યું છે કે મોરબી માળિયા હાઇવે રોડ ઉપર આવેલ ફર્ન હોટલ પાસેથી તેમનો દીકરો અશ્વિનભાઈ ધીરજભાઈ નાગડુકિયા (28) પોતાનું બાઈક નંબર જીજે 36 એજી 8060 લઈને પસાર થઈ રહ્યો હતો ત્યારે તેના બાઈકને અજાણી કારના ચાલકે હડફેટે લેતા અકસ્માતનો બનાવ બન્યો હતો અને અકસ્માત કરીને કાર ચાલક પોતાનું વાહન લઇને ઘટના સ્થળેથી નાસી ગયો હતો જો કે અકસ્માતના બનાવમાં ફરિયાદીના દીકરા અશ્વિનને ગંભીર ઇજાઓ થતા તેનું મોત નીપજ્યું હતું જે બનાવ સંદર્ભે હાલમાં વૃદ્ધે નોંધાવેલ ફરિયાદ આધારે પોલીસે અજાણી કારના ચાલક સામે ગુનો નોંધીને આરોપીને પકડવા માટે તજવીજ શરૂ કરી છે વધુમાં મળી રહેલ માહિતી મુજબ અશ્વિનભાઈ નાગડુકિયા સિરામિકમાં કામકાજ કરતો હતો અને વાહન અકસ્માતમાં તેનું મોત નિપજતા તેની એક દીકરી છે જેને પિતાની છત્રછાંયા ગુમાવી છે.
