મોરબીના મહેન્દ્રનગર ગામે બીમારીથી કંટાળીને વૃદ્ધાએ અણધાર્યું પગલું ભર્યું

મોરબીના મહેન્દ્રનગર ગામે આવેલ સિદ્ધિવિનાયક સોસાયટીમાં રહેતા વૃદ્ધાને માનસિક બીમારી તથા બીપી ની બીમારી હોય તેનાથી કંટાળીને પોતે પોતાના ઘરની અંદર એસિડ પી લેતા તેને સારવાર માટે મોરબીની ખાનગી હોસ્પિટલમાં લાવ્યા હતા અને ત્યારબાદ વધુ સારવાર માટે રાજકોટની ખાનગી હોસ્પિટલમાં લઈ ગયા હતા ત્યાં સારવાર દરમિયાન તે વૃદ્ધાનું મોત નીપજ્યું હતું જેથી કરીને આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

જાણવા મળતી માહિતી પ્રમાણે મોરબી નજીકના મહેન્દ્રનગર ગામે આવેલ સિદ્ધિવિનાયક સોસાયટીમાં રહેતા લીલાબેન ધનજીભાઈ માકાસણા (62) પોતે પોતાના ઘરે હતા ત્યારે ત્યાં એસિડ પી જતા તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાંથી વધુ સારવાર માટે રાજકોટની ખાનગી હોસ્પિટલમાં લઈ જવામાં આવ્યા હતા જોકે, સારવાર દરમિયાન તે વૃદ્ધાનું મોત નીપજ્યું હતું જેથી કરીને આ બનાવની પ્રકાશભાઈ અમૃતલાલ માકાસણા દ્વારા મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી છે અને વધુમાં પોલીસ પાસેથી મળતી વિગત પ્રમાણે મૃતક વૃદ્ધાને 20 વર્ષથી માનસિક બીમારી હતી અને છેલ્લા 10 વર્ષથી બીપીની બીમારી છે જેથી બીમારીથી કંટાળીને પોતે પોતાના ઘરની અંદર આ પગલું ભરેલ છે તેવું મૃતકના પરિવારજન પાસેથી જાણવા મળેલ છે જેની પોલીસે નોંધ કરી આગળની કાર્યવાહી હાથ ધરી છે.