મોરબી નજીક શક્તિનગર-ત્રાજપરમાં જુગારની બે રેડ: જુગાર રમતા સાત શખ્સો પકડાયા
SHARE
JOIN OUR GROUP
મોરબી નજીક શક્તિનગર-ત્રાજપરમાં જુગારની બે રેડ: જુગાર રમતા સાત શખ્સો પકડાયા
મોરબી માળિયા હાઇવે રોડ ઉપર આવેલ કાવેરી સિરામિકની પાછળના ભાગમાં શક્તિનગર વિસ્તારમાં તેમજ ત્રાજપરમાં આવેલ અવેડા નજીક જુગારની જુદી જુદી બે રેડ કરવામાં આવી હતી ત્યારે સ્થળ ઉપરથી જુગાર રમતા કુલ મળીને સાત શખ્સો મળી આવ્યા હતા જેથી તેઓની રોકડ રકમ સાથે ધરપકડ કરીને બી ડિવિઝન પોલીસ સ્ટેશન ખાતે જુગારના જુદા જુદા બે ગુના નોંધીને આગળની કાર્યવાહી હાથ ધરી છે.
મોરબી માળિયા હાઇવે રોડ ઉપર આવેલ કાવેરી સિરામિકની પાછળના ભાગમાં શક્તિનગર શેરીમાં સ્ટ્રીટ લાઈટના અજવાળે જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી. ત્યારે સ્થળ ઉપરથી જુગાર રમતા પરસોતમભાઈ હમીરભાઇ શેખા (25) રહે. શક્તિનગર મોરબી, હાજીભાઇ ઉમરભાઈ જામ (44) રહે. કાંતિનગર માળિયા ફાટક પાસે મોરબી, અકબરભાઈ દાઉદભાઈ ચનાણી (23) રહે. કાંતિનગર માળિયા ફાટક પાસે મોરબી અને જયંતીભાઈ દેવજીભાઈ શ્રીમાળી (45) રહે. શક્તિનગર કાવેરી સિરામિક પાછળ મોરબી વાળા જુગાર રમતા મળી આવ્યા હતા જેથી પોલીસે તેની પાસેથી 12,270 ની રોકડ કબજે કરી હતી
આવી જ રીતે જુગારની બીજી રેડ મોરબીના ત્રાજપર વિસ્તારમાં અવેડા પાસે કરવામાં આવી હતી ત્યારે ત્યાં જાહેરમાં જુગાર રમતા સંજયભાઈ ઉર્ફે ચનો સવજીભાઈ કુંવરિયા (30) રહે. ત્રાજપર મોરબી, ફિરોજભાઈ ઇસ્માઈલભાઈ બ્લોચ (36) રહે. નકલંક કારખાનામાં મકનસર અને અશ્વિનભાઈ બાબુભાઈ રાઠોડ (35) રહે. ત્રાજપર છેલ્લી શેરીમાં મોરબી વાળા જુગાર રમતા મળી આવ્યા હતા જેથી પોલીસે 1,610 રૂપિયાની રોકડ સાથે તેની ધરપકડ કરી હતી અને મોરબી બી ડિવિઝન પોલીસ સ્ટેશન ખાતે જુદાજુદા બે જુગારના ગુના નોંધીને આગળની કાર્યવાહી હાથ ધરી છે
