હળવદના રણમલપુર ગામની સીમમાંથી દારૂની 569 બોટલ સાથે ત્રણની ધરપકડ
Morbi Today
મોરબી તાલુકામાં અડધી રાતે પિસ્તોલ, છરી, ધારિયા જેવા હથિયાર સાથે મહિલાના ઘરે હુમલો: એટ્રોસીટી-રાયોટિંગનો ગુનો નોંધાયો
SHARE
JOIN OUR GROUP
મોરબી તાલુકામાં અડધી રાતે પિસ્તોલ, છરી, ધારિયા જેવા હથિયાર સાથે મહિલાના ઘરે હુમલો: એટ્રોસીટી-રાયોટિંગનો ગુનો નોંધાયો
મોરબી તાલુકાના ગ્રામ્ય વિસ્તારમાં જૂની અદાવતનો ખાર રાખીને યુવાનના ઘરે અડધી રાતે કુલ 8 શખ્સો જુદી જુદી ગાડીઓમાં પિસ્તોલ, છરી પાઇપ, ધારિયા, ધોકા જેવા હથિયાર લઈને તેના ઘરે આવ્યા હતા અને મહિલાની છેડતી કરીને તેને છરી વડે ઇજા કરી હતી તેમજ અન્ય એક વ્યક્તિને પીઠ અને ડાબા હાથના બાવડે છરી વડે ઇજા કરી હતી. અને મહિલાના પતિને રિવોલ્વર જેવું હથિયાર બતાવીને જ્ઞાતિ પ્રત્યે અપમાનિત કરી જાનથી મારી નાખવાની ધમકી આપી હતી અને ગાડી માથે ચઢાવવાનો પ્રયત્ન કર્યો હતો ત્યારે ફરિયાદીની દીકરી વચ્ચે પડતા તેને માથાના ભાગે ઇજા થયેલ હતી અને આરોપીઓએ એકટીવામાં પણ નુકસાની કરી હતી જેથી ભોગ બનેલ મહિલાએ મોરબી તાલુકા પોલીસ સ્ટેશન ખાતે 8 શખ્સોની સામે ફરિયાદ નોંધાવતા પોલીસે રાયોટિંગ, એટ્રોસિટી સહિતની કલમ હેઠળ ગુનો નોંધીને આરોપીને પકડવા માટે તજવીજ શરૂ કરી હતી
બનાવની જાણવા મળતી માહિતી મુજબ મોરબી તાલુકાના ગ્રામ્ય વિસ્તારમાં રહેતી મહિલાએ હાલમાં મોરબી તાલુકા પોલીસ સ્ટેશન ખાતે સંજયભાઈ ગઢવી, ભાવેશ ઉર્ફે કાલી કિશોરભાઈ સુમેસરા, રાજેશ કિશોરભાઈ સુમેસરા, ભૂરો કિશોરભાઈ સુમેસરા, અજય જગદીશભાઈ ચૌહાણ, પીન્ટુ પરમાર, દિપો ગઢવી અને અજાણ્યા માણસોની સામે ફરિયાદ નોંધાવેલ છે જેમાં તેને જણાવ્યું છે કે, તા 24/7 ના રાત્રિના અઢીથી ત્રણેક વાગ્યાના અરસામાં મહિલા અને તેના પરિવારજનો ઘરે હતા. ત્યારે આરોપીઓ જુદી જુદી ગાડીમાં પીસ્તોલ, ધોકા, ધારીયા, છરી, પાઇપ જેવા હથિયાર લઈને તેને ઘરે આવ્યા હતા અને ફરિયાદીના દીકરા સાથેની જૂની અદાવતનો ખાર રાખીને આરોપીઓ મારા મારી અને ઝઘડો કર્યો હતો.
ત્યારે આરોપી ભાવેશ ઉર્ફે કાલી સુમેશરાએ ફરિયાદી મહિલાની છેડતી કરી જમણા પગના ઢીંચણના ભાગે છરી મારી હતી તથા ડાબા હાથના બાવળાના ભાગે સામાન્ય ઇજા કરી હતી. તેમજ અન્ય એક વ્યક્તિને દીપો ગઢવીએ પીઠ અને ડાબા હાથે છરી વડે ઇજા કરી હતી અને ફરિયાદીના પતિને સંજયભાઈ ગઢવીએ રિવોલ્વર જેવું હથિયાર બતાવીને જાતી પ્રત્યે અપમાનીત કરી જાનથી મારી નાખવાની ધમકી આપી હતી. અને જાનથી મારી નાખવાના ઇરાદે ગાડી ચડાવવાનો પ્રયત્ન કર્યો હતો ત્યારે ફરિયાદીની દીકરી બચાવવા વચ્ચે પડતા તેને માથાના ભાગે ઇજા થઈ હતી. અને ફરિયાદીના એકટીવામાં પણ આરોપીઓએ નુકસાન કર્યું હતું. જેથી ભોગ બનેલ મહિલાએ હાલમાં મોરબી તાલુકા પોલીસ સ્ટેશન ખાતે ફરિયાદ નોંધાવેલ છે. જેના આધારે પોલીસે રાયોટીંગ, મારામારી, એટ્રોસિટી સહિતની કલમો હેઠળ ગુનો નોંધીને આરોપીઓને પકડવા માટે તજવીજ શરૂ કરી છે.
