હળવદના મંગળપુર ગામે રહેતા યુવાનને આઇફોન-15 આપવાનું કહીને 45,500 ની છેતરપિંડી
Morbi Today
મોરબીના આંદરણા નજીક બસ સાથે ટેમ્પો અથડાતાં અકસ્માત: ટેમ્પો ચાલક યુવાનને બસના મુસાફરોએ માર માર્યો !
SHARE
JOIN OUR GROUP
મોરબીના આંદરણા નજીક બસ સાથે ટેમ્પો અથડાતાં અકસ્માત: ટેમ્પો ચાલક યુવાનને બસના મુસાફરોએ માર માર્યો !
મોરબી હળવદ હાઇવે રોડ પર આવેલ આંદરણા ગામ પાસેથી ટેમ્પો લઈને યુવાન પસાર થઈ રહ્યો હતો. ત્યારે બસ સાથે ટેમ્પો અથડાતા અકસ્માત થયો હતો અને બસમાં બેઠેલા મુસાફરો પૈકીનાઓએ યુવાનને માર મારતા ઇજા પામેલા યુવાનને સારવાર માટે ચરાડવાના પ્રાથમિક આરોગ્ય કેન્દ્ર ખાતે લઈ જવામાં આવ્યો હતો અને આ બનાવની મોરબી તાલુકા પોલીસને જાણ કરતા પોલીસે બનાવવી નોંધ કરી આગળની કાર્યવાહી હાથ ધરી છે
બનાવની જાણવા મળતી માહિતી મુજબ મૂળ રાજસ્થાનના રહેવાસી દિનેશસિંગ ગોપાલસિંગ રાવત (21) નામનો યુવાન વહેલી સવારે 8:00 વાગ્યામાં ટેમ્પો લઈને મોરબી હળવદ હાઇવે રોડ ઉપર આવેલ આંદરણા ગામ પાસેથી પસાર થઈ રહ્યો હતો ત્યારે હોટલની સામેના ભાગમાં તેનો ટેમ્પો બસ સાથે અથડાયો હતો જેથી કરીને બસમાં બેઠેલા મુસાફરો પૈકીનાઓએ તે યુવાનને માર મારતા ઈજા થઇ હતી જેથી તેને સારવાર માટે ચરાડવાના પ્રાથમિક આરોગ્ય કેન્દ્ર ખાતે લઈને આવ્યા હતા ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી કરેલ છે. અને બનાવની પ્રાથમિક તપાસ જે.પી. પટેલ દ્વારા કરવામાં આવેલ છે
સાપ કરડી ગયો
હળવદમાં આવેલ આસ્થા કંપની ખાતે રહેતા તેજબહાદુર પરિદ્દીનભાઈ (39) નામના યુવાનને સાપ કરડી ગયો હતો જેથી તેને સારવાર માટે મોરબીની સિવિલ હોસ્પિટલે લઈને આવ્યા હતા અને ત્યાં તેને સારવાર આપીને આ બનાવની પ્રથમ મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ હરેશભાઈ ચાવડા દ્વારા કરવામાં આવી હતી જોકે, બનાવ હળવદ તાલુકા પોલીસની હદમાં બનેલ હોવાથી ત્યાં આ બનાવની જાણ કરવામાં આવેલ છે.
બાઈક સ્લીપ
મોરબીના સનાળા રોડ ઉપર આવેલ મોમ્સ હોટલના ખૂણા પાસેથી મોરબીના અવની પાર્ક વિસ્તારમાં રહેતા નટવરભાઈ લાલજીભાઈ નકુમ (43) નામનો યુવાન બાઇક લઈને પસાર થતો હતો ત્યારે તેનું બાઈક સ્લીપ થઈ ગયું હતું અને તે યુવાનને ઈજા થયેલ હતી જેથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી
