વાંકાનેરના ઢુવા ગામે વીજ કંપનીની સબ ડિવિઝન મંજૂર: ધારાસભ્ય જીતુભાઈ સોમાણીની રજૂઆતની અસર

વાંકાનેર તાલુકાના રાતવીરડા, સરતાનપુર, ઢુવા, માટેલ, લાકડધાર વિસ્તારમાં ઘણા સરામિક સહિતના કારખાના આવેલ છે ત્યારે વારંવાર વીજ ધાંધિયાને લીધે કારખાનેદારો હેરાન હતા અને  મોરબી સિરામિક એસો. દ્વારા ઢુવા ગામે સબ ડિવિઝન (ફોલ્ટ સેન્ટર) આપવાની માંગ કરવામાં આવી હતી જેથી આ બાબતે વાંકાનેરના ધારાસભ્યએ સરકારમાં રજૂઆત કરી હતી અને ત્યાર બાદ હાલમાં સરકાર દ્વારા ઢુવા ગામે ફોલ્ટ સેન્ટર મંજૂર કરાયું છે.

વાંકાનેર તાલુકનની ઢુવા ગ્રામ પંચાયત અને મોરબી સિરામિક મેન્યુફેક્ચર એસોસિએશન દ્વારા ઢુવા પાસે વીજ કંપનીનું ફોલ્ટ સેન્ટર આપવામાં આવે તેના માટેની તા 22/3/23 ના રોજ ધારાસભ્ય જીતુભાઈ સોમાણીને લેખિત રજૂઆત કરવામાં આવી હતી હતી. જેથી ધારાસભ્યએ આ બાબતે ત્રણ વખત રાજ્યના ઊર્જા મંત્રી કનુભાઈ દેસાઈને લેખિત રજૂઆત કરી હતી જેને ધ્યાને લઈને સરકાર દ્વારા ઢુવા ગામે નવી સબ ડિવિઝન ઓફિસ ફાળવવામાં આવી છે અને ત્યાં ફોલ્ટ સેન્ટર મંજૂર કરવામાં આવ્યું છે. જેથી કરીને ઢુવા ગ્રામ પંચાયત અને મોરબી સિરામિક એસો. દ્વારા ધારાસભ્યનો આભાર વ્યક્ત કરાયો છે.