મોરબી નજીક કાચા રસ્તેથી ડમ્પર લઈને યુવાનને તાલુકા પંચાયતના માજી પ્રમુખ સહિત ચાર શખ્સોએ માર માર્યો

મોરબીના જુના સાદુળકા ગામની સીમમાં લક્ષ્મીનગર ગામથી આગળના ભાગે કારખાના તરફ જતા કાચા રસ્તા ઉપરથી ડમ્પર લઈને યુવાન ગયો હતો ત્યારે મોરબી તાલુકા તાલુકા પંચાયતના માજી પ્રમુખ સહિતનાઓ દ્વારા તેને જેમ ફાવે તેમ ગાળો આપીને ઢીકાપાટુનો માર મારવામાં આવ્યો હતો તેમજ બે આંગળીઓમાં ફેક્ચર જેવી ઈજા કરવામાં આવી છે અને જાનથી મારી નાખવાની ધમકી આપવામાં આવી હતી જેથી કરીને ભોગ બનેલા યુવાન દ્વારા મોરબી તાલુકા પંચાયતના માજી પ્રમુખ તથા તેના બે દીકરા સહિત ચાર વ્યક્તિઓની સામે ફરિયાદ નોંધાવવામાં આવતા પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે

જાણવા મળતી માહિતી પ્રમાણે મોરબી તાલુકાના જુના સાદુળકા ગામે રહેતા અને ખેતી કરતા મોહનસિંહ ઉર્ફે અટુભા ફતેસિંહ ઝાલા જાતે દરબાર (૨૬) એ હાલમાં મોરબી તાલુકા પંચાયતના માજી પ્રમુખ હંસરાજભાઈ તેજાભાઈ પાંચોટિયા તેના દીકરા કપિલ હંસરાજભાઈ પાંચોટિયા અને સત્યમ હંસરાજભાઈ પાંચોટિયા તેમજ હરખજીભાઈ રાજકોટિયા રહે. બધા લક્ષ્મીનગર વાળાની સામે ફરિયાદ નોંધાવેલ છે જેમાં તેને જણાવ્યુ છે કે, ફરિયાદીનું બાર વ્હીલ વાળું ટાટા કંપનીનું ડમ્પર નંબર જીજે ૩૬ એક્સ ૭૨૪૫ મોરબી માળિયા નેશનલ હાઈવે રોડથી ફોનિક કલર કારખાના તરફ જતા કાચા રસ્તેથી લઈ ગયા હતા જે આરોપી હંસરાજભાઈ પાંચોટિયાને સારું ન લાગતા ચારે આરોપીઓએ ફરિયાદીને જેમ ફાવે તેમ ગાળો આપી હતી ઢીકાપાટુનો માર માર્યો હતો તેમજ હાથની બે આંગળીઓમાં ફ્રેક્ચર જેવી ઇજા કરી હતી અને જાનથી મારી નાખવાની ધમકી આપેલ છે જેથી કરીને ભોગ બનેલા યુવાન દ્વારા સારવાર લીધા બાદ મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને આરોપીઓને પકડવા માટે તજવીજ શરૂ કરી છે