ટંકારાના છતર ગામે ખેતરમાં મૂકવામાં આવેલ ત્રણ લાખના ટ્રેક્ટર-ટ્રોલીની ચોરી
Morbi Today
મોરબી નજીક બાઇકને હડફેટે લઈને વૃદ્ધનું મોત નિપજાવનાર ટ્રક ચાલક સામે ગુનો નોંધાયો
SHARE
JOIN OUR GROUP
મોરબી નજીક બાઇકને હડફેટે લઈને વૃદ્ધનું મોત નિપજાવનાર ટ્રક ચાલક સામે ગુનો નોંધાયો
મોરબી માળિયા હાઇવે રોડ ઉપર આવેલ ટિંબડી ગામના પાટીયા પાસે પરમેશ્વર કાંટા નજીક રોડ ઉપર બાઈક લઈને પસાર થઈ રહેલા વૃદ્ધના બાઇકને ટ્રક ચાલકે હડફેટ લીધું હતું જેથી કરીને વૃદ્ધને માથાના ભાગે ગંભીર ઇજા થઈ હોવાથી તેનું મોત નીપજ્યું હતું અને અકસ્માત બાદ ટ્રક ચાલક પોતાનું વાહન લઈને સ્થળ ઉપરથી નાસી ગયો હતો. હાલમાં ભોગ બનેલા વૃદ્ધના દીકરાએ મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ મૂળ જૂના નાગડાવાસ ગામના રહેવાસી અને હાલમાં જસદણ તાલુકાના વીરનગર ખાતે રહેતા નારણભાઈ મેણંદભાઈ કુવાડીયા જાતે આહિર (૪૪)એ મોરબી સીટી બી ડિવિઝન પોલીસ સ્ટેશન ખાતે ટ્રક નંબર જીજે ૩૬ વી ૯૯૨૪ ના ચાલક સામે ફરિયાદ નોંધાવેલ છે જેમાં તેને જણાવ્યુ છે કે, ગત તા. ૧૬/૫ ના રોજ સવારે ૬:૦૦ વાગ્યાના અરસામાં જૂના નાગડાવાસ ગામેથી તેઓના પિતા મેણંદભાઈ રવાભાઈ કુવાડીયા (૬૭) પોતાનું બાઈક નંબર જીજે ૬ ડીઇ ૯૫૯૩ લઈને મોરબી તરફ આવી રહ્યા હતા ત્યારે મોરબી માળિયા નેશનલ હાઈવે રોડ ઉપર આવેલ ટિંબડી ગામના પાટીયા પાસે પરમેશ્વર કાંટા સામે રામદેવ હોટલ નજીક રોડ ઉપર તેઓના બાઇકને ટ્રક ચાલકે હડફેટે લેતા અકસ્માત થયો હતો અને અકસ્માતના આ બનાવમાં ફરિયાદીના પિતાને માથાના ભાગે ગંભીર ઇજા થયેલ હતી જેથી કરીને તેનું મોત નીપજયું હતું અને અકસ્માત મૃત્યુના આ બનાવ બાદ ટ્રક ચાલક પોતાનું વાહન લઈને સ્થળ ઉપરથી નાસી ગયો હતો જેથી કરીને હાલમાં મૃતકના દીકરાને નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરી છે અને આ અંગેની આગળની વધુ તપાસ મોરબી બી ડિવિઝન પોલીસ સ્ટેશનના પીએસઆઇ જે.એલ. ઝાલા ચલાવી રહ્યા છે
એક બોટલ દારૂ
વાંકાનેરના લક્ષ્મીપરા ચોક પાસેથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દારૂની એક બોટલ મળી આવી હતી જેથી કરીને પોલીસે ૩૭૫ રૂપિયાની કિંમતની દારૂની બોટલ કબજે કરી હતી અને આરોપી રાહુલભાઈ અશોકભાઈ ગોરીયા જાતે કોળી (૨૩) રહે. રાતીદેવડી રોડ વૃંદાવન વાટિકા સોસાયટી વાંકાનેર વાળાની ધરપકડ કરી હતી અને તેની સામે વાંકાનેર સિટી પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
