હળવદના સાપકડા નજીકથી દેશી બનાવટની મેગ્ઝીન વાળી પિસ્તોલ સાથે એકની ધરપકડ
SHARE
JOIN OUR GROUP
હળવદના સાપકડા નજીકથી દેશી બનાવટની મેગ્ઝીન વાળી પિસ્તોલ સાથે એકની ધરપકડ
હળવદ તાલુકાના નવા સાપકડાથી જુના સાપકડા ગામ તરફ જવાના રસ્તા ઉપરથી પસાર થયેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દેશી બનાવટની લોખંડની મેગ્ઝીન વાળી એક પિસ્તોલ મળી આવી હતી જેથી કરીને પોલીસે ૧૦ હજાર રૂપિયાની કિંમતનું હથિયાર કબજે કર્યું હતું અને આરોપીની ધરપકડ કરી ગુનો નોંધીને આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ હળવદ તાલુકા પોલીસની ટીમ પેટ્રોલિંગમાં હતી ત્યારે હળવદ તાલુકાના નવા સાપકડાથી જુના સાપકડા ગામ તરફ જવાના રસ્તા ઉપરથી પસાર થઈ રહેલા શખ્સને રોકીને ચેક કરવામાં આવ્યો હતો ત્યારે તેની પાસેથી દેશી બનાવટની લોખંડની મેગ્ઝીન વાળી એક નંગ પિસ્તોલ મળી આવી હતી જેથી કરીને પોલીસે ૧૦ હજાર રૂપિયાની કિંમતનું હથિયાર કબજે કર્યું હતું અને આરોપી અમૃતભાઈ ઉર્ફે મુન્નો અમરસીભાઈ રાતોજા જાતે કોળી (૨૭) રહે. હળવદ વાળાની ધરપકડ કરી હતી અને તેની સામે હળવદ તાલુકા પોલીસ સ્ટેશન ખાતે ગુનો નોંધી પોલીસે આગળની રાબેતા મુજબની કાર્યવાહી હાથ ધરી છે અને આ શખ્સ પાસેથી મળી આવેલ હથિયાર તે ક્યાંથી લાવ્યો હતો અને શા માટે પોતાની પાસે રાખતો હતો તે દિશામાં હવે આગળની તપાસ પોલીસ દ્વારા શરૂ કરવામાં આવી છે
