મોરબીના લખધીરપુર રોડ ઉપર રહેણાંક મકાનમાં દરોડો : દારૂ-બિયરની ૨૯૩ બોટલ સાથે એક ઝડપાયો
SHARE
JOIN OUR GROUP
મોરબીના લખધીરપુર રોડ ઉપર રહેણાંક મકાનમાં દરોડો : દારૂ-બિયરની ૨૯૩ બોટલ સાથે એક ઝડપાયો
મોરબી સીટી બી ડીવીજન પોલીસને મળેલ બાતમીના આધારે પોલીસ સ્ટાફે લખધીરપુર રોડ ઉપર મફતિયાપરામાં રહેણાંક મકાનમાં દરોડો પાડયો હતો જ્યાં મકાનના ફળિયામાં આવેલી ઓરડીમાંથી જુદી-જુદી બ્રાન્ડની કુલ ૨૪૫ બોટલ દારૂ તેમજ બિયરના ૪૮ ટીન મળી આવતાં કુલ દોઢ લાખની મતા સાથે એકની ધરપકડ કરવામાં આવી હોવાનું જાણવા મળેલ છે.
મોરબી સીટી બી ડિવિઝન પોલીસ સ્ટાફને મળેલી બાતમીના આધારે પીએસઆઇ વાઢીયા તથા સ્ટાફે ગત મોડીરાત્રીના મોરબીના નેશનલ હાઈવે ૮-અ ઉપર આવેલ લખધીરપુર રોડ ઉપરના મફતીયાપરા વિસ્તારમાં શિવાજી કારખાનાની સામે રહેતા શામજી રઘુ સારલા જાતે કોળી (૪૬) નામના ઇસમના રહેણાંક મકાનમાં રેડ કરી હતી ત્યારે મકાનના ફળિયામાં આવેલી ઓરડીમાંથી પોલીસને જુદી-જુદી બ્રાન્ડની કુલ મળીને ૨૪૫ બોટલ દારૂ કિંમત રૂા.૧,૪૫,૫૦૦ નો જથ્થો મળી આવ્યો હતો તેમજ સાથે બીયરના ૪૮ ટીન કિંમત રૂા.૪૮૦૦ મળી આવતા કુલ રૂા.૧,૫૦,૩૫૦ ની કિંમતના દારૂ-બીયરના જથ્થા સાથે હાલમાં ઘરધણી શામજી રઘુ સારલા જાતે કોળીની દારૂના ગુનામાં ધરપકડ કરવામાં આવેલ છે. તેણે આ જથ્થો કોની પાસેથી મેળવ્યો છે..? અને તે કોને આ માલ સપ્લાય કરવાનો હતો..? તે દિશામાં હાલમાં બી ડિવિઝન પોલીસ આગળની તપાસ ચલાવી રહી છે.
