મોરબીના પીપળી નજીક જેટકોના સ્ટાફ કવાર્ટર પાસેથી બે બાઈકની ચોરી
Morbi Today
મોરબીમાં ઘર પાસે પાર્ક કરેલ ગાડી પોતાની હોવાનું માની લઈને લઈ જવનો પ્રયાસ !: રાજકોટના ૧૩ શખ્સો સામે ફરિયાદ
SHARE
JOIN OUR GROUP
મોરબીમાં ઘર પાસે પાર્ક કરેલ ગાડી પોતાની હોવાનું માની લઈને લઈ જવનો પ્રયાસ !: રાજકોટના ૧૩ શખ્સો સામે ફરિયાદ
મોરબીના વીસીપરા વિસ્તારમાં આવેલ ચાર ગોદામની પાછળના ભાગમાં ગુલાબનગરમાં ઘર પાસે તેની ગાડી રાખી હતી દરમિયાન જુદા જુદા વાહનોમાં આવીને આરોપીઓએ કોઈપણ જાતની ખાતરી કે તપાસ કર્યા વગર તે ગાડી પોતાની હોવાનું માનીને લઈ જવાની કોશિશ કરી હતી જેથી કરીને દંપતીએ તેને રોકવાનો પ્રયત્ન કરતા તેની સાથે બોલાચાલી અને ઝઘડો કર્યો હતો અને ગાળાગાળી કરી હતી અને મારી નાખવાની ધમકી આપેલ છે જેથી કરીને ભોગ બનેલ મહિલાએ હાલમાં મોરબી બી ડિવિઝન પોલીસ સ્ટેશન ખાતે રાજકોટના ૧૩ શખ્સોની સામે ફરિયાદ નોંધાવતા પોલીસે આરોપીઓને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ મોરબીના વીસીપરા વિસ્તારમાં ચાર ગોદામની પાછળના ભાગમાં આવેલ ગુલાબનગરમાં રહેતા શરીફાબેન ઉર્ફે મુમતાજબેન દાઉદભાઈ જામ જાતે મિયાણા (૪૦)એ હાલમાં મોરબી બી ડિવિઝન પોલીસ સ્ટેશન ખાતે આનંદ ગણપતભાઈ દવે રહે. ખોડીયારનગર રાજકોટ, ભાવિક ભરવાડ, રવિ ભરવાડ, અભય મકવાણા, ધવલ મકવાણા, ધર્મેશ બારોટ, ધવલભાઇ મુકેશભાઈ પ્રજાપતિ, રજત સાવલિયા, પાર્થ પટેલ, વિવેક ઉમરેઠીયા, ભરત ડાંગર, સમીર સલીમભાઈ શાહમદાર અને સાહિલ બોદુભાઈ રહે બધા રાજકોટ વાળા સામે ફરિયાદ નોંધાવેલ છે જેમાં તેમણે જણાવ્યું છે કે રસુલભાઈની હુંડાઈ કંપનીની વેરના ગાડી તા. ૧૮/૪ ના બપોરના દોઢેક વાગ્યાના અરસામાં તેના ઘરની બહાર રાખવામાં આવી હતી ત્યારે જુદા જુદા વાહનોમાં આવેલા આરોપીઓએ તે ગાડી પોતાની હોવાનું માનીને કોઈ પણ પ્રકારની ખાતરી કે તપાસ કર્યા વગર તે ગાડીને લઈ જવાની કોશિશ કરી હતી જેથી કરીને તેને ફરિયાદી તથા દાઉદભાઈએ રોકતા તેઓની સાથે આરોપીઓએ બોલાચાલી કરી હતી અને ગાળો આપી હતી તેમજ જાનથી મારી નાખવાની ધમકી આપી હતી જેથી કરીને ભોગ બનેલ મહિલા દ્વાર બી ડિવિઝન પોલીસ સ્ટેશન ખાતે રાજકોટના ૧૩ શખ્સોની સામે ફરિયાદ નોંધાવવામાં આવતા પોલીસે આઈપીસી કલમ ૫૦૪, ૫૦૬ (૨), ૧૪૩ અને ૧૪૯ મુજબ ગુનો નોંધી આરોપીઓને પકડવા માટે તજવીજ શરૂ કરેલ છે અને આ અંગેની આગળની વધુ તપાસ મોરબી બી ડિવિઝન પોલીસ સ્ટેશનના વી.એલ. વાઘેલા ચલાવી રહ્યા છે
