મોરબીમાં નજરબાગ રેલવે સ્ટેશન પાસે ડેમુ ટ્રેનની ઝડપે ચડી જતાં અજાણ્યા યુવાનનું મોત

મોરબીના સામાકાંઠા વિસ્તારમાં નજરબાગ રેલવે સ્ટેશનથી આગળના ભાગમાં પસાર થઈ રહેલ ડેમુ ટ્રેનની ઝડપે અજાણ્યો ૨૦ થી ૨૫ વર્ષનો યુવાન આવી જતા તેનું મોત નીપજ્યું હતું ત્યારબાદ તેના મૃતદેહને મોરબીની સરકારી હોસ્પિટલ ખાતે લઈ ગયા હતા અને આ બનાવની મોરબી બી  ડિવિઝન પોલીસને જાણ કરતા પોલીસે બનાવની નોંધ કરીને રાબેતા મુજબની કાર્યવાહી હાથ ધરી છે

બનાવી જાણવા મળતી માહિતી મુજબ મોરબી શહેરના સામાકાંઠા વિસ્તારમાં આવેલ નજરબાગ રેલવે સ્ટેશનથી આગળના ભાગમાં ડેમુ ટ્રેન પસાર થઈ રહી હતી ત્યારે કોઈ અજાણ્યો ૨૦ થી ૨૫ વર્ષનો યુવાન તે ટ્રેનની ઝડપે ચડી જતાં તેનું મોત નીપજયું હતું ત્યારબાદ તે યુવાનના મૃતદેહને મોરબીની સરકારી હોસ્પિટલ ખાતે લઈને આવ્યા હતા અને ત્યારથી આ બનાવ અંગેની મોરબી બી ડિવિઝન પોલીસને જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે અને અંગેની આગળની વધુ તપાસ જે.જે. ડાંગર ચલાવી રહ્યા છે અને હાલમાં મૃતક યુવાનની ઓળખ મેળવવા માટેની તજવીજ ચાલી રહી છે

મારા મારીમાં ઇજા

મોરબીના માધાપર શેરી નં-૨૨ માં રહેતા મનીષ શાંતિલાલ મારું (૩૦) નામના યુવાનને રાજુભાઈ સવાભાઈ સાથે થયેલ મારામારીના બનાવમાં ઈજા થઈ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી એ ડિવિઝન પોલીસને જાણ કરતાં પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે