મોરબીના વિરાટનગર ખાતે વડસોલા પરિવાર દ્વારા પંચકુંડી યજ્ઞ-સ્નેહ મિલનનો કાર્યક્રમ યોજાયો
Morbi Today
મોરબીના જાંબુડીયા ગામે સગીરાના અપહરણ-બળાત્કારમાં આરોપીની ધરપકડ
SHARE
JOIN OUR GROUP
મોરબીના જાંબુડીયા ગામે સગીરાના અપહરણ-બળાત્કારમાં આરોપીની ધરપકડ
મોરબીના વાંકાનેર હાઇવે ઉપર આવેલ જાંબુડીયા ગામે રહેતા મૂળ અમરેલીના પરિવારની સગીર વયની દીકરીને લલચાવી ફોસલાવીને બદકામ કરવાના ઇરાદે અપહરણ કરી જવાતા ભોગ બનેલ સગીરાના પિતા દ્રારા ફરિયાદ નોંધાવવામાં આવી હતી જેની તપાસ બાદ પીઆઇએ અપહરણ-બળાત્કાર, પોકસોના ગુનામાં આરોપીની ધરપકડ કરેલ છે.
મૂળ અમરેલી જિલ્લાના ધારી તાલુકાના મીઠાપુર ગામના વતની અને મોરબીના વાંકાનેર હાઇવે ઉપર આવેલા નવા જાંબુડિયા ગામે રહીને મજુરી કામ કરી ગુજરાન ચલાવતા પરિવારની સગીર વયની દીકરીનું ગત તા.૪-૭ ના સાંજના પાંચેક વાગ્યાના અરસામાં મૂળ હળવદના ઢોરા વિસ્તાર લાંબીદેરીનો રહેવાસી અને હાલ મોરબીના જાંબુડીયા-મકનસરની સિમમાં લાભુ લાલજી અગોલાની વાડીએ રહેતો કાળુ લાભુ ધામેચા કોળી નામનો ૨૨ વર્ષીય શખ્સ લલચાવી ફોસલાવીને બદકામ કરવાના ઇરાદે અપહરણ કરી ગયેલ હોય પરિવાર દ્વારા તેઓની ઘરમેળે શોધખોળ કરવામાં આવી હતી છતાં પણ સગીરાની ભાળ ન મળતાં અંતે ભોગ બનેલ સગીરાના પિતા દ્રારા તાલુકા પોલીસમાં ફરિયાદ નોંધાવવામાં આવેલ જેથી તાલુકા પીઆઈ એમ.આર.ગોઢાણીયાએ અપ્હત સગીરાની ભાળ મેળવવા અને આરોપીને ઝડપી પાડવા માટે ચક્રો ગતિમાન કર્યા હતા અને ગઇકાલે અપ્હરણ કરનાર કાળુ લાભુ ધામેચા કોળી (૨૨) ની અપહરણ-બળાત્કાર, પોકસોના ગુનામાં આરોપીની ધરપકડ કરેલ છે.
વાહન અકસ્માતમાં ઈજા
ધાંગધ્રા તાલુકાના વાઘગઢ ગામે રહેતા રંજનબેન વાસુદેવભાઈ કુનપરા નામની ૪૯ વર્ષીય મહીલી બાઈકમાં જતાં હતા ત્યારે બાઇક સ્લીપ થઇ ગયું હતું જે બનાવમાં ઇજાગ્રસ્ત થયેલ રંજનબેનને અહીંની ક્રિષ્ના હોસ્પિટલ ખાતે સારવારમાં લાવવામાં આવ્યા હતા. જ્યારે મોરબીના શનાળા રોડ ઉપર રહેતા મગનભાઈ અરજણભાઇ રાણીપા નામના ૪૭ વર્ષીય યુવાન બાઈકમાં જતો હતો ત્યારે શક્તિ પ્લોટ એચડીએફસી બેંક નજીક બાઇક સ્લીપ થઇ જતાં ઇજાગ્રસ્ત થયેલા મગનભાઈ રાણીપાને સારવારમાં ખસેડાયા હતા.
