માળીયા (મી) નજીક ખાણ ખનીજ વિભાગના વિજિલન્સના અધિકારીની ખોટી ઓળખ આપીને રૂપિયા પડાવનારની ધરપકડ
SHARE
JOIN OUR GROUP
માળીયા (મી) નજીક ખાણ ખનીજ વિભાગના વિજિલન્સના અધિકારીની ખોટી ઓળખ આપીને રૂપિયા પડાવનારની ધરપકડ
માળીયા કચ્છ હાઇવે રોડ ઉપર આવેલ સુરજબારી પુલના છેડે પોલીસ ચોકી પાસેથી પસાર થઈ રહેલ ટ્રકને રોકીને સ્વિફ્ટ કારના ચાલકે પોતે ખાણ ખનીજ વિભાગના વિજિલન્સનો અધિકારી હોવાની ખોટી ઓળખ આપી હતી અને ફરિયાદીના ટ્રકને પોલીસ સ્ટેશનને લઈ જવાની ધમકી આપી હતી ત્યારબાદ ફરિયાદી અને સાહેદ પાસેથી ૬૦૦૦ રૂપિયા બળજબરીથી કઢાવી લીધા હતા જેથી ભોગ ભરેલા ટ્રક ડ્રાઇવર દ્વારા હાલમાં માળિયા તાલુકા પોલીસ સ્ટેશન ખાતે કાર લઈને આવેલા શખ્સની સામે ફરિયાદ નોંધાવવામાં આવેલ છે તેના આધારે પોલીસે આરોપીની ધરપકડ કરીને આગળની કાર્યવાહી કરેલ છે
બનાવની જાણવા મળતી માહિતી મુજબ કચ્છ જિલ્લાના રાપર તાલુકાના લાખાગઢ ગામના રહેવાસી અને ડ્રાઇવિંગનું કામ કરતા રામાભાઇ દેવાભાઈ મુંધવા જાતે ભરવાડ (૩૦)એ હાલમાં માળિયા મીયાણા તાલુકા પોલીસ સ્ટેશન ખાતે સ્વિફ્ટ ગાડી નંબર જીજે ૨૪ એક્સ ૫૬૯૮ ના ચાલક હરિશ્ચંદ્રસિંહ બળવંતસિંહ વાઘેલા જાતે દરબાર રહે. ભચાઉ કચ્છ વાળાની સામે ફરિયાદ નોંધાવી છે જેમાં તેને જણાવ્યું છે કે, માળિયા કચ્છ હાઇવે રોડ ઉપર આવેલ સુરજબારી પુલના છેડે પોલીસ ચોકી પાસે આરોપી સ્વીફ્ટ કાર લઈને આવેલ હતો અને ત્યાંથી પસાર થતા ફરિયાદીના ટ્રકને રોકીને આરોપી પોતે ખાણ ખનીજ વિભાગના વિજિલન્સ અધિકારી હોવાની ખોટી ઓળખ આપી હતી અને ત્યારબાદ ફરિયાદીના ટ્રકને પોલીસ સ્ટેશનને લઈ જવાની ધમકી આપી હતી અને ફરિયાદી તથા સાહેદ પાસેથી ૬૦૦૦ રૂપિયા બળજબરીથી કઢાવી લીધા હતા જેથી ભોગ બનેલા ટ્રક ડ્રાઇવર દ્વારા હાલમાં નોંધાવવામાં આવેલ ફરિયાદ આધારે પોલીસે આઈપીસી કલમ ૧૭૦, ૩૮૪ મુજબ ગુનો નોંધીને આરોપી હરિશ્ચંદ્રસિંહ બળવંતસિંહ વાઘેલા જાતે દરબાર રહે. ભચાઉ કચ્છ વાળાની ધરપકડ કરી આગળની કાર્યવાહી હાથ ધરી છે
