મોરબીના વાવડી ગામે સિદ્ધિવિનાયક ગરબીમાં આજે નવદુર્ગા એક સાથે ગરબે ઘૂમશે

મોરબી જીલ્લામાં હાલમાં નવરાત્રિ દરમ્યાન જુદાજુદા કાર્યક્રમો યોજાઇ છે ત્યારે મોરબીના વાવડી ગામે સિદ્ધિવિનાયક ગરબીમાં આજે નવદુર્ગા એક સાથે ગરબે ઘૂમશે અને મોરબીના “હેર ડોટ કોમ” સલૂન & સ્ટાઈલિંગ સ્ટુડિયો દ્વારા નવરાત્રીના નવમા નોરતે ૨૧ બાળાઓને નવદુર્ગા માતાજીનો આબેહૂબ મેકઅપ વિના મૂલ્યે કરી આપવામાં આવેલ છે

મોરબીમાં રવાપર રોડે લીલાલહેર સામે આવેલ “હેર ડોટ કોમ” ફેમિલી સલૂન દ્વારા વાવડી ગામે કરવામાં આવતી સિદ્ધિ વિનાયક ગરબીની બાળાઓને નવદુર્ગાના રૂપમાં મેકઅપ આપી આબેહૂબ કરી આપવામાં આવ્યો છે અને આજે નવદુર્ગાના રૂપમાં બાળાઓમાં સાક્ષાત માતાજીનું સ્વરૂપ જોવા મળશે. અને હાથમાં ત્રિશુલ સાથે બાળાઓ ગરબે ઘુમશે. આ ગરબીના આયોજક અને હેર સ્ટાયલિસ્ટ પ્રિન્સભાઈએ જણાવ્યું હતું કે, મોરબીના વાવડીગામે અમે ગરબાનું આયોજન કરી રહ્યાં છીએ ત્યાં દુર્ગાષ્ટમીના દિવસે બાળાઓ ખોડિયાર માતાજી અને તેમની બહેનોનું રૂપ ધારણ કરીને રાસ રજૂ કરશે