મોરબી નજીક ઉભેલા ડમ્પર પાછળ બાઇક અથડાતાં ઇજા પામેલા યુવાનનું મોત: ગુનો નોંધાયો
Morbi Today
વાંકાનેરના મહિકા-હોલમઢ ગામ પાસેથી ૬૭૨ બોટલ દારૂ ભરેલી બોલેરો ઝડપાઇ: ૭.૩૨ લાખનો મુદ્દામાલ કબજે
SHARE
JOIN OUR GROUP
વાંકાનેરના મહિકા-હોલમઢ ગામ પાસેથી ૬૭૨ બોટલ દારૂ ભરેલી બોલેરો ઝડપાઇ: ૭.૩૨ લાખનો મુદ્દામાલ કબજે
વાંકાનેર તાલુકાના મહિકા ગામથી હોલમઢ ગામ તરફ જવાના રસ્તે મચ્છુ નદી તરફ જતા કાચા રસ્તા ઉપરથી દારૂ ભરેલ ગાડી જવાની છે તેવી બાતમી મળી હતી જેના આધારે તાલુકા પોલીસે ત્યાં વોચ રાખી હતી અને ત્યારે ત્યાંથી નીકળેલ એક બોલેરો પીકઅપ ગાડીનો પીછો કરવામાં આવ્યો હતો ત્યારે વાહન ચાલક તેની ગાડી મૂકીને નાશી ગયો હતો જે ગાડીને ચેક કરવામાં આવતા ૬૭૨ બોટલ વિદેશી દારૂ મળી આવ્યો હતો જેથી કરીને પોલીસે દારૂ અને વાહન મળીને ૭.૩૨ લાખનો મુદામાલ કબજે કરલે છે અને વાહન છોડીને નાશી ગયેલા શખ્સ તેમજ માલ મંગાવનાર અને મોકલાવનાર સામે ગુનો નોંધીને તેને પકડવા માટે ચક્રોગતિમાન કરેલ છે
બનાવની મળતી માહિતી મુજબ વાંકાનેર તાલુકા પોલીસ પીએસઆઇ એલ.એ. ભરગા તથા સર્વેલન્સ ટીમના પેટ્રોલિંગ દરમિયાન સ્ટાફના વિજયભાઇ ડાંગર તથા અજયસિંહ ઝાલાને મળેલ ચોક્કસ ખાનગી બાતમીને આધારે પોલીસે વાંકાનેર તાલુકાના મહીકાથી હોલમઢ ગામ તરફ જતા રસ્તા પરથી પસાર થતી એક બોલેરો પીકઅપ વાહનને રોકાવાનો પ્રયાસ કર્યો હતો ત્યારે બોલેરો ચાલકે તેનું વાહન લઈને ભગવાનો પ્રયાસ કર્યો હતો અને પોલીસે ફિલ્મી ઢબે બોલેરોનો પીછો કરી હોલમઢ ગામથી મચ્છુ નદી તરફ જતા કાચા રસ્તા તરફ બોલેરો ગાડી નંબર જીજે ૧૭ ટીટી ૭૬૪૯ રેઢી મળી આવી હતી જે ગાડીને ચેક કરવામાં આવતા વિદેશી દારૂની ૬૭૨ બોટલ જેની કિંમત ૨,૩૨,૫૦૦ અને વાહન મળીને ૭.૩૨ લાખનો મુદામાલ કબજે કરલે છે અને ગાડી મૂકીને નાશી ગયેલ વાહન ચાલક સહિતનાઓની સામે ગુન્હો નોંધી આગળની કાર્યવાહી કરલે છે આ કામગીરી પીએસઆઇ એલ.એ. ભરગા તેમજ મયુરધ્વજસિંહ જાડેજા, ધર્મેન્દ્રસિંહ જાડેજા, ચમનભાઇ ચાવડા, હરીશચંદ્રસિંહ ઝાલા, સંજયસિંહ જાડેજા, વિજયભાઇ ડાંગર, રવીભાઇ કલોત્રા તથા અજયસિંહ ઝાલા સહિતના જોડાયા હતા.
