મોરબી નજીકથી તમંચા સાથે પકડાયેલા શખ્સનાં ત્રણ દિવસના રિમાન્ડ મંજૂર

મોરબીના વીસીપરામાંથી ગોર ખીજડીયા રોડ તરફ જવાના રસ્તે પસાર થઈ રહેલા શખ્સને રોકીને પોલીસે ચેક કર્યો હતો ત્યારે તેની પાસેથી દેશી બનાવટનો એક તમંચો મળી આવ્યો હતો જેથી પોલીસે ૧૦ હજાર રૂપિયાની કિંમતનું હથિયાર કબજે કરેલ હતું અને મોરબી બી ડિવિઝન પોલીસ સ્ટેશન ખાતે બે શખ્સોની સામે આર્મ્સ એક્ટ મુજબ ગુનો નોંધવામાં આવ્યો હતો જે પૈકીનાં પકડાયેલા આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના ત્રણ દિવસના રિમાન્ડ મંજૂર કરેલ છે

બનાવની જાણવા મળતી માહિતી મુજબ મોરબીના વીસીપરાથી ગોર ખીજડીયા ગામ તરફ જવાના રસ્તા ઉપરથી એક પસાર થઈ રહ્યો હતો ત્યારે તેને રોકીને પોલીસ દ્વારા ચેક કરવામાં આવતા તેની પાસેથી દેશી બનાવટનો એક તમંચો મળી આવ્યો હતો જેથી કરીને પોલીસે દસ હજાર રૂપિયાની કિંમતનું હથિયાર કબજે કર્યું હતું અને આરોપી દિનમહમદ તાજમહમદ ભટ્ટી જાતે મિયાણા (૪૮) રહે. મૂળ માળિયા તાલુકો હાલ રહે કાલાવાડ શીતલા રોડ જામનગર વાળાની પોલીસે ધરપકડ કરેલ હતી અને આ શખ્સ પાસેથી ગાંધીધામના રહેવાસી સલીમ નામના શખ્સનું નામ સામે આવ્યું હતું જેથી કરીને પોલીસે બંને સામે ગુનો નોંધીને પોલીસે આગળની કાર્યવાહી કરેલ છે અને આ અંગેની તપાસ મોરબી બી ડિવિઝન પોલીસ સ્ટેશનના વી.એલ. વાઘેલા ચલાવી રહ્યા હોય તેને આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના ત્રણ દિવસના રિમાન્ડ મંજૂર કરવામાં આવેલ છે જેથી આરોપીને સાથે રાખીને હથિયાર કયાંથી આવેલ છે અને શા માટે તે પોતાની સાથે હથિયાર રાખતો હતો અને ગાંધીધામના જે શખ્સનું નામ સામે આવેલ છે તેને પકડવા માટે પોલીસે ચક્રોગતિમાન કરેલ છે