મોરબીમાં ધારાસભ્યના નિવાસ્થને શ્રી રામ લખેલું ૧૦૦ ફૂટનું બેનર લગાવ્યું
Morbi Today
મોરબી જિલ્લામાં લોકસભાની છેલ્લે યોજાયેલ ચૂંટણી બાદ એક લાખ મતદારો વધ્યા
SHARE
JOIN OUR GROUP
મોરબી જિલ્લામાં લોકસભાની છેલ્લે યોજાયેલ ચૂંટણી બાદ એક લાખ મતદારો વધ્યા
આગામી દિવસોમાં લોકસભાની ચૂંટણી યોજવાની છે તેની તૈયારીઓને આખરી ઓપ આપવામાં આવી રહ્યો છે ત્યારે મોરબીમાં કલેક્ટર કચેરી ખાતે પત્રકાર પરિષદ યોજાઇ હતી જેમાં કલેકયારે માહિતી આપતા જણાવ્યુ હતું કે, મોરબી જીલ્લામાં વિધાનસભાની ત્રણ બેઠક આવે છે તે બેઠકના વિસ્તારમાં જે લોકસભાની બેઠકો લાગુ પડે છે તેના માટે બુથ વાઇઝ મતદાર સંક્ષિપ્ત સુધારણા ઝુંબેશ હાથ ધરવામાં આવી હતી. જેમાં છેલ્લે યોજાયેલા લોકસભાની ચૂંટણીથી લઈને અત્યાર સુધીમાં મોરબી જીલ્લામાં નવા એક લાખ મતદારોનો મતદાર યાદીમાં વધારો થયેલ છે
મોરબીમાં શોભેશ્વર રોડે આવેલ કલેક્ટર કચેરીમાં કલેકટર જી.ટી.પંડ્યાની પત્રકાર પરિષદ યોજાઇ હતી જેમાં તેને જણાવ્યુ હતું કે, મોરબી જીલ્લામાં બુથ વાઇઝ મતદાર સંક્ષિપ્ત સુધારણા ઝુંબેશ હાથ ધરવામાં આવી હતી. જેમાં વર્ષ ૨૦૧૯ માં છેલ્લે યોજાયેલ લોકસભાની ચૂંટણી પછીથી લઈને અત્યાર સુધીમાં એક લાખ કરતાં વધુ મતદારોનો ઉમેરો થયેલ છે વધુમાં તેઓએ જણાવ્યુ હતું કે, વર્ષ ૨૦૧૯ માં ૭,૨૫,૧૦૦ મતદારો હતા જો કે, આજની તારીખે ૮,૨૫,૬૫૨ મતદારો નોંધાયેલ છે અને તેમાં ચૂંટણી જાહેર કરવામાં આવે ત્યાં સુધીમાં હજુ પણ થોડો ઘણો વધારો થઈ શકે છે અત્રે ઉલેખનીય છે કે, લોકસભાની ચૂંટણી ૨૦૨૪ માં યોજવાની છે તેના માટે ગણતરીના મહિનાઓ જ બાકી રહ્યા છે ત્યારે મોરબી જીલ્લામાં આવેલ મોરબી, ટંકારા, વાંકાનેર વિધાનસભા મત વિસ્તારોમાં તમામ મતદાન મથકો, શાક માર્કેટ, બસ સ્ટેન્ડ, રેલવે સ્ટેશન સહિતના સ્થળોએ ૧/૧/૨૪ થી ૨૯/૨/૨૪ સુધી લોકોને ઇવીએમ અને વિવિપેટના ઉપયોગની માહિતી અને માર્ગદર્શન આપવામાં આવશે તેમજ દરેક ક્ષેત્રે ૧૦-૧૦ ઇવીએમ અને વિવિપેટની તાલીમ અપાશે.
