હળવદમાં ટ્રક ચાલકે ડબલ સવારી બાઇકને હડફેટે લેતા એક આશાસ્પદ યુવાનનું મોત: એક સારવારમાં
Morbi Today
માળીયા (મી) નજીકથી અબોલજીવને ગાડીમાં બાંધીને કતલખાને લઈ જનારા બે શખ્સોની સામે ગુનો નોંધાયો
SHARE
JOIN OUR GROUP
માળીયા (મી) નજીકથી અબોલજીવને ગાડીમાં બાંધીને કતલખાને લઈ જનારા બે શખ્સોની સામે ગુનો નોંધાયો
માળીયા હળવદ હાઇવે ઉપર આવેલ અણિયારી ટોલનાકા પાસેથી ગૌરક્ષકો દ્વારા ૧૨ અબોલ જીવને કતલખાને લઈ જતા વાહનને પકડવામાં આવ્યો હતો ત્યારબાદ હાલમાં માળીયા તાલુકા પોલીસ સ્ટેશન ખાતે બે શખ્સોની સામે ગુનો નોંધાયેલ છે અને પોલીસે વાહન સહિત કુલ મળીને ૨.૬૦ લાખનો મુદામાલ કબજે કરીને આગળની કાર્યવાહી કરેલ છે
બનાવની જાણવા મળતી માહિતી મુજબ મોરબી હિન્દુ યુવા વાહિની અને અખિલ વિશ્વ ગૌ સંવર્ધન પરિષદ દિલ્હીના ગૌરક્ષકોને ને મળેલ હકીકત આધારે મોરબી હળવદ હાઇવે ઉપર વોચ રાખવામાં આવી હતી ત્યારે ત્યાંથી તુફાન ગાડી નંબર જીજ ૫ બિઝેડ ૯૩૪૭ પસાર થઈ હતી જેનો પીછો કરીને તેને અણિયારી ટોલનાકા પહેલા રોકવામાં આવી હતી અને તુફાન ગાડી ચેક કરી હતી ત્યારે તેમાં દોરડાથી બાંધીને કુલ મળીને ૧૨ અબોલજીવ (પાડા-પાડી)ને કતલખાને લઈ જવામાં આવતા હોય તેવું જોવા મળ્યું હતું જેથી કરીને તે અબોલજીવને બચાવીને કુલ મળીને ૨.૬૦ લાખનો મુદામાલ કબજે કર્યો હતો અને હાલમાં મોરબીના નવી પીપળી ગામે રહેતા વૈભવભાઈ જીતેશભાઈ ઝાલરીયા જાતે પટેલ (૨૬)એ જાવેદભાઈ ઝાકીરશા ફકીર (૨૬) રહે. રામરહીમ ટેકરો નગીના મસ્જિદ ગલી નં-૨ બહેરામપુરા અમદાવાદ તથા મોઈન હારુનભાઈ ગામમામા (૨૪) રહે. બેહરામપુરા અમદાવાદ વાળાની સામે ગુનો નોંધી તે બંનેની ધરપકડ કરવામાં આવેલ છે અને આગળની તપાસ માળિયા તાલુકા પોલીસ સ્ટેશનના એએસઆઈ વી.બી. બાબરીયા ચલાવી રહ્યા છે
