મોરબીના લાલપર પાસે કેનાલમાં ડૂબી જવાથી બે યુવાનના ઘટના સ્થળે જ મોત

મોરબી વાંકાનેર હાઇવે રોડ ઉપર આવેલ લાલપર પાસેથી પસાર થતી નર્મદની કેનાલમાં ડૂબી જવાથી બે યુવાનોના મોત થાય છે જે બંને યુવાનની ડેડબોડીને ફાયરની ટીમે પાણીમાંથી બહાર કાઢી હતી અને પોલીસની હાજરીમાં બંને મૃતક યુવાનના ડેડબોડી તેના પરિવારને આપવામાં આવેલ છે

મોરબી નજીકના લાલપર ગામ પાસે આવેલ કેનાલમાં બે યુવાન ડૂબી ગયા હોવાનો કોલ મોરબી પાલિકાના ફાયર વિભાગને કરવામાં આવ્યો હતો જેથી ફાયરની ટીમ સ્થળ ઉપર પહોચી હતી અને યુવાનને શોધવા માટેની કવાયત કરવામાં આવી હતી અને હાલમાં બે યુવાનોના મૃતદેહ કેનાલમાંથી બહાર કાઢવામાં આવેલ છે જેની માહિતી આપતા મોરબી પાલિકના ફાયર ઓફિસર દેવેન્દ્રસિંહ જાડેજાએ જણાવ્યું હતું કે, લાલપર પાસે ફેમસ સીરામીકની બાજુમાં કેનાલમાં બે યુવાન ગુમ હતા અને તે બંનેના કેનાલ પાસેથી મોબાઈલ અને કપડાં મળી આવ્યા હતા જેથી કરીને કેનાલમાં યુવાનોને શોધવા માટે તજવીજ શરૂ કરી હતી ફાયરની ટીમે કેનાલમાંથી સુરજભાઈ (૨૧) અને સાગરભાઈ (૨૩) નામના બે યુવાનોની લાશને બહાર કાઢેલ છે અને મોરબી તાલુકા પોલીસની હાજરીમાં તે બંને યુવાનોના મૃતદેહ તેઓના પરિવારને આપવામાં આવેલ છે