હળવદ નજીક નોનવેજની પાર્ટી પછી મિત્રની હત્યા કરનારા આરોપીના ત્રણ દિવસના રિમાન્ડ મંજૂર
SHARE
JOIN OUR GROUP
હળવદ નજીક નોનવેજની પાર્ટી પછી મિત્રની હત્યા કરનારા આરોપીના ત્રણ દિવસના રિમાન્ડ મંજૂર
હળવદના કોયબા ગામ તરફ જવાના રસ્તે નર્મદાની કેનાલ પાસેથી હત્યા કરેલી હાલતમાં યુવાનની લાશ મળી હતી જે બનાવમાં મૃતક યુવાનના ભાઈએ નોંધવાલે ફરિયાદ આધારે પોલીસે હત્યાનો ગુનો નોંધીને આરોપીની ધરપકડ કરી હતી અને આ આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના ત્રણ દિવસના રિમાન્ડ મંજૂર કરેલ છે
હળવદમાં જીઆઇડીસીની પાછળના ભાગમાં રહેતા અને મજૂરી કામ કરતા અશોકભાઈ દેવશીભાઇ શિરોયા જાતે કોળી (૨૩)એ હળવદ તાલુકા પોલીસ સ્ટેશન ખાતે હરજી ઉર્ફે હરેશ ઉર્ફે કાળુભાઈ ગેલાભાઈ ભરવાડ સામે હત્યાની ફરિયાદ નોંધાવી હતી જેમાં તેને જણાવ્યુ હતું કે, તેનો ભાઈ અજિત ઉર્ફે અજીયો દેવશીભાઈ શિરોયા જાતે કોળી (૨૫) ઘરેથી ટ્રકમાં જવાનું કહીને નીકળ્યો હતો અને ત્યારબાદ તેનો તા. ૧૯ ના રોજ સાંજના ચારેક વાગ્યાના અરસામાં કોયબા ગામ તરફ જવાના રસ્તા ઉપર આવેલ નર્મદા કેનાલના નાલા પાસેથી કોહવાઈ ગયેલ હાલતમાં મૃતદેહ મળી આવ્યો હતો જેનું ફોરેન્સિક પીએમ કરવામાં આવ્યું હતું અને તેમાં ફરિયાદીના ભાઈને ગળાના ભાગે તીક્ષ્ણ હથિયારથી જીવલેણ ઘા ઝીકિને તેની હત્યા કરીને તેની લાશને પાણીના વોકડામાં નાખી દેવામાં આવી હોવાનું સામે આવ્યું હતું આ બનાવમાં પોલીસે હાલમાં આરોપી હરજી ઉર્ફે હરેશ ઉર્ફે કાળુભાઈ ગેલાભાઈ ભરવાડ રહે. કોયબા રોડ કીશાન વેર હાઉસ બોર્ડની સામે હળવદ વાળાની ધરપકડ કરી હતી અને તેને રિમાન્ડની માંગણી સાથે કોર્ટમાં રજૂ કરતાં કોર્ટે આરોપીના ત્રણ દિવસના રિમાન્ડ મંજૂર કરેલ છે
