ટંકારાના મુન્નાવાસમાં મકાનમાં સાત બોટલ દારૂ સાથે માતા-પુત્રની ધરપકડ

ટંકારાના મુન્નાવાસમાં રહેણાક મકાનમાં દારૂ હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરમાંથી દારૂની સાત બોટલ મળી આવતા પોલીસે માતા-પુત્રની ધરપકડ કરી હતી અને દારૂ આપી જનારનું નામ સામે આવતા તેની સામે પણ ગુનો નોંધી તેને પકડવા માટે તજવીજ શરૂ કરેલ છે

બનાવની જાણવા મળતી માહિતી મુજબ ટંકારા તાલુકા પોલીસની ટીમ પેટ્રોલિંગમાં હતી ત્યારે ટંકારાના મુન્નાવાસમાં રહેતા સમીરભાઈના રેણાક મકાનમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરમાંથી દારૂની જુદી જુદી બ્રાન્ડની કુલ મળીને સાત બોટલો મળી આવી હતી જેથી પોલીસે ૨૫૦૦ રૂપિયાની કિંમતનો દારૂનો જથ્થો કબજે કર્યો હતો અને સમીરભાઈ અજીતભાઈ સાંજી જાતે ખલીફા (૨૦) રહે. ટંકારા અને તેની માતા રુકસાનાબેન અજીતભાઈ સાંજી જાતે ખલીફા (૪૦) રહે. ટંકારા વાળાની ધરપકડ કરેલ છે અને તેને દારૂની બોટલો વસીમભાઈ અજીતભાઈ સાંજી રહે. ટંકારા વાળો વેચાણ કરવા માટે આપી ગયો હોવાનું સામે આવતા તેની સામે પણ ગુનો નોંધી પોલીસે તેને પકડવા માટે તજવીજ શરૂ કરેલ છે

મહિલા સારવારમાં 

મોરબીના વાવડી રોડ ઉપર આવેલ ક્રિષ્ના પાર્ક સોસાયટીમાં રહેતા સાયનાબાનું સરફરાજભાઈ મકરાણી નામની ૨૨ વર્ષીય મહિલા કોઈ કારણસર તેણીના ઘરે ફીનાઇલ પી ગયા હતા.જેથી તેઓને આયુષ હોસ્પિટલે સારવાર માટે લાવવામાં આવ્યા હોવાનું એ ડિવિઝન પોલીસ સૂત્રોએ જણાવેલ છે.હાલ બનાવના કારણ બાબતે એ ડિવિઝન પોલીસ સ્ટેશનના હરેશભાઈ ચાવડા દ્વારા આગળની તપાસ ચલાવવામાં આવી રહી છે.