મોરબીના હરિઓમ પાર્કમાં ઘરમાંથી ૩૩ બોટલ દારૂ સાથે એક શખ્સ પકડાયો

મોરબી નજીકના ઘુટુ ગામ પાસે આવેલ હરિઓમ પાર્કમાં રહેતા શખ્સનાં ઘરની અંદર દારૂનો જથ્થો હોવાની બાતમી મળી હતી જેના આધારે સ્થાનિક પોલીસ દ્વારા ત્યાં દારૂની રેડ કરવામાં આવી હતી ત્યારે ઘરમાંથી દારૂની જુદી જુદી બ્રાન્ડની ૩૩ બોટલો મળી આવી હતી જેથી કરીને પોલીસે ૧૨૦૧૫ રૂપિયાની કિંમતની દારૂની બોટલ જથ્થો કબજે કરી આરોપીની ધરપકડ કરી રાબેતા મુજબની કાર્યવાહી હાથ ધરી હતી

જાણવા મળતી માહિતી મુજબ મોરબી તાલુકા પોલીસની ટીમ પેટ્રોલિંગમાં હતી ત્યારે મોરબી નજીકના ઘૂટું ગામ પાસે આવેલ હરિઓમ પાર્ક મકાન નંબર સી-૮૭ માં રહેતા રાજેશભાઈ અઘારાના ઘરમાં દારૂનો જથ્થો હોવાની હકીકત મળી હતી જેથી કરીને પોલીસે તેના ઘરની અંદર દારૂની રેડ કરી હતી ત્યારે ઘરમાંથી દારૂની જુદી જુદી બ્રાન્ડની ૩૩ બોટલો મળી આવી હતી જેથી પોલીસે ૧૨૦૧૫ રૂપિયાની કિંમતનો દારૂનો જથ્થો કબજે કર્યો હતો અને આરોપી રાજેશભાઈ દલસુખભાઈ અઘારા જાતે પટેલ (૨૯) રહે. હરિઓમ પાર્ક મોરબી વાળાની ધરપકડ કરેલ છે અને તેની પાસેથી મળી આવેલ દારૂની બોટલો તે કોની પાસેથી લાવ્યો હતો અને કોને આપવાનો હતો તે દિશામાં પોલીસે તપાસ શરૂ કરી છે

જુગારી પકડાયા

મોરબીના વીસીપરા વિસ્તારમાં અમરેલી રોડ ઉપર આવેલ ભવાનીનગરમાં ઈંટોના ભઠ્ઠા પાસે જાહેરમાં જુગાર રમતા બે શખ્સો મળી આવ્યા હતા જેથી કરીને પોલીસે ૬૦૦ ની રોકડ કબજે કરીને મુકેશ ચંદુભાઈ શેખાણી (૨૩) અને સંદીપ મેરૂભાઈ ભોજવિયા (૪૦) રહે. બંને વીસીપરા અમરેલી રોડ ભવાનીનગર વાળાની ધરપકડ કરી તેની સામે ગુનો નોંધી આગળની કાર્યવાહી હાથ ધરી છે