હળવદ: દીકરાને દૂધ પીવડાવવા માટે પતિએ ઠપકો આપતા પત્નીએ ઝેરી દવા પી લેતા સારવારમાં

હળવદ તાલુકાના ઘનશ્યામપુર ગામે વાડીએ રહીને મજૂરી કામ કરતી મહિલાને તેના દીકરાને દૂધ પીવડાવવા માટે થઈને પતિએ ઠપકો આપ્યો હતો જે બાબતે તેને લાગી આવતા તેણે પોતાની જાતે ઝેરી દવા પી લીધી હતી જેથી તેને સારવાર માટે હોસ્પિટલે લઈને આવ્યા હતા અને આ બનાવની મહિલાના પતિ દ્વારા હળવદ તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી કરી છે

જાણવા મળતી વિગત પ્રમાણે મૂળ મહારાષ્ટ્રના નંદુબાર જિલ્લાના સીસખડી ફળિયુના રહેવાસી અને હાલમાં હળવદ તાલુકાના ઘનશ્યામપુર ગામે ધરમશીભાઈ દલવાડીની વાડીએ રહેતા અને મજૂરી કામ કરતા નિલેશભાઈ કિશનભાઇ વસાવા જાતે આદિવાસી (૨૧) ના પત્ની સપનાબેન નિલેશભાઈ વસાવા જાતે આદિવાસી (૧૮)એ ઝેરી દવા પી લીધી હતી જેથી કરીને તેને તાત્કાલિક સારવાર માટે હોસ્પિટલે ખસેડવામાં આવ્યા હતા અને હોસ્પિટલે સારવાર આપ્યા બાદ આ બનાવ અંગેની મહિલાના પતિ નિલેશભાઈ દ્વારા હળવદ તાલુકા પોલીસને આ બનાવની જાણ કરવામાં આવી હતી જેથી પોલીસે બનાવની નોંધ કરી હતી અને આગળની કાર્યવાહી હાથ ધરી હતી અને આ બનાવની વધુમાં પોલીસ પાસેથી જાણવા મળતી માહિતી પ્રમાણે મહિલાને તેના પતિએ દીકરાને દૂધ પીવડાવવાનું કહેતા મહિલાએ ના પડી હતી જેથી કરીને પતિએ ઠપકો આપ્યો હતો તે બાબતે લાગી આવતા પરણીતાએ ઝેરી દવા પી લીધી હતી તેવું પ્રાથમિક તપાસમાં સામે આવેલું છે હાલમાં આ બનાવની આગળની વધુ તપાસ ડીવાયએસપીના માર્ગદર્શન હેઠળ ચાલી રહ્યું છે