મોરબીની સોખડા ગ્રામ પંચાયતના ચેરમેન વારંવાર અરજી કરતાં હોવાનો ખાર રાખીને ગાળો આપીને માર માર્યો

મોરબી તાલુકાના સોખડા ગામે રહેતા સોખડા ગ્રામ પંચાયતમાં સામાજિક ન્યાય સમિતિના ચેરમેન ગામના વિકાસ માટે થઈને કચેરીઓમાં વારંવાર અરજી કરતા હોય છે તે પસંદ ન હોવાથી તેનો ખાર રાખીને તું વારંવાર અરજી કરે છે અરજી કરવાનું બંધ કરી દેજે તેવું કહીને જ્ઞાતિ પ્રત્યે હડધૂત કરીને ગાળો આપી હતી અને ઝપાઝપી કરીને મુંઢ ઇજા કરી હતી જેથી સારવાર લીધા બાદ મોરબી તાલુકા પોલીસ સ્ટેશન ખાતે આધેડે ફરિયાદ નોંધાવતા પોલીસે એટ્રોસિટી સહિતની કલમ હેઠળ ગુનો નોંધીને આરોપીને પકડવા માટે તજવીજ શરૂ કરેલ છે

જાણવા મળતી માહિતી મુજબ મોરબી તાલુકાના સોખડા ગામે રહેતા સામાજિક કાર્યકર અને સોખડા ગ્રામ પંચાયતમાં સામાજિક ન્યાય સમિતિના ચેરમેન રમેશભાઈ ખીમાભાઈ મકવાણા (૫૪) એ હાલમાં કિશોરભાઈ દેવદાનભાઈ બાલાસરા જાતે આહિર રહે. કિશનગઢ (સોખડા) વાળાની સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યું છે કે, તેઓ ગ્રામ પંચાયતમાં સભ્ય છે અને ગામના વિકાસ માટે થઈને કચેરીઓમાં અરજી કરતા હોય છે જે ગામના લોકોને પસંદ ન હોય તે બાબતનો ખાસ રાખીને આરોપી કિશોરભાઈ બાલાસરાએ “તું વારંવાર અરજી કરે છે અરજી કરવાનું બંધ કરી દેજે” તેવું કહીને તેને જ્ઞાતિ પ્રત્યે હડધૂત કરીને ગાળો આપી હતી અને ઝપાઝપી કરીને મુંઢ ઇજા કરી હતી જેથી આધેડે સારવાર લીધા બાદ મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે એટ્રોસિટી સહિતની કલમ હેઠળ ગુનો નોંધીને આરોપીને પકડવા માટે તજવીજ શરૂ કરેલ છે આ બનાવ અંગેની આગળની વધુ તપાસ મોરબી જિલ્લા એસ.ટી. એસ.સી. સેલના ડીવાયએસપી પી.એ. ઝાલા ચલાવી રહ્યા છે