ઉગ્ર બનતી લડત: હળવદ પાલિકાના હંગામી કર્મચારીઓએ હવે શરૂ કર્યું આમરણાંત આંદોલન
Morbi Today
ટંકારાના જીવાપર પાસે નદીમાંથી અજાણ્યા યુવાનનો મૃતદેહ મળ્યો: ઓળખ મેળવવા તજવીજ
SHARE
JOIN OUR GROUP
ટંકારાના જીવાપર પાસે નદીમાંથી અજાણ્યા યુવાનનો મૃતદેહ મળ્યો: ઓળખ મેળવવા તજવીજ
ટંકારા તાલુકાના જીવાપર ગામની સરવાણીઓ નદીમાં અજાણ્યા ૩૫ વર્ષના યુવાનનો મૃતદેહ તણાઈને આવ્યો હતો જેથી કરીને પાણીમાંથી યુવાનના મૃતદેહને બહાર કાઢીને ટંકારાની સરકારી હોસ્પિટલ ખાતે લઈને આવ્યા હતા અને આ બનાવ અંગેની હોસ્પિટલ મારફતે ટંકારા તાલુકા પોલીસને જાણ કરવામાં આવતા પોલીસે બનાવી નોંધ કરી આગળની કાર્યવાહી કરી છે અને મૃતક યુવાનની ઓળખ મેળવવા માટે હાલમાં તજવીજ શરૂ કરવામાં આવી છે
જાણવા મળતી માહિતી મુજબ ટંકારા તાલુકાના જીવાપર ગામની સરવાણીઓ નદીમાં બાબુ બીજલભાઇ ફાંગલીયાની વાડી પાસે નદીમાં કોઈ અજાણ્યા ૩૫ વર્ષના પુરુષનો મૃતદેહ તરતો હોવા અંગેની માહિતી જીવાપર ગામના સરપંચ દ્વારા પોલીસને આપવામાં આવી હતી અને ત્યારબાદ પોલીસ ઘટના સ્થળે પહોંચી હતી અને પાણીમાં પડેલ યુવાનના મૃતદેહને પાણીમાંથી બહાર કાઢીને ટંકારાની સરકારી હોસ્પિટલ ખાતે લઈને આવ્યા હતા અને આ બનાવની ટંકારા તાલુકા પોલીસે નોંધ કરીને આગળની રાબેતા મુજબની કાર્યવાહી હાથ ધરી છે અને આ બનાવની આગળની વધુ તપાસ ટંકારા તાલુકા પોલીસ સ્ટેશનના એએસઆઈ આઇ.ટી. જામ ચલાવી રહ્યા છે વધુમાં પોલીસ પાસેથી જાણવા મળેલ છે કે, મૃતક યુવાને શરીરે ગુલાબી કલરનો શર્ટ પહેરેલ છે અને ડાબા હાથે અંગ્રેજીમાં જે ત્રોફવેલ છે હાલમાં મૃતક યુવાનની ઓળખ મેળવવા માટે થઈને તજવીજ ચાલી રહી છે
દેશી દારૂ
મોરબી નજીકના લીલાપર ગામે મચ્છુ ડેમ નજીક પાણીના સંપ પાસે વોકળાના કાંઠે એલસીબીની ટીમ દ્વારા દારૂની રેડ કરવામાં આવી હતી ત્યારે સ્થળ ઉપરથી દેશી દારૂ બનાવવા માટે ઉપયોગમાં લેવામાં આવતો ૫૦૦ લીટર આથો, ગેસનો બાટલો, ગેસનું બર્નર અન્ય મુદ્દા માલ મળીને સ્થળ ઉપરથી ૨૫૦૦ નો માલ કબજે કરવામાં આવ્યો હતો અને આ દેશી દારૂની ભઠ્ઠી કિરણ ઉર્ફે બેબો નાગજીભાઈ દેગામા જાતે કોળી રહે. લીલાપર વાળાની હોવાનું સામે આવતા મોરબી તાલુકા પોલીસે તેની સામે ગુનો નોંધીને તેને પકડવા માટે તજવીજ શરૂ કરેલ છે
