મોરબી નજીકથી ૬.૪૨ લાખના મેફેડ્રોન ડ્રગ્સના જથ્થા સાથે બે શખ્સ પકડાયા, એકની શોધખોળ
Morbi Today
મોરબીમાં જિલ્લા કક્ષાની RBI ક્વિઝ સ્પર્ધા બી.આર.સી ભવન ખાતે યોજાઈ
SHARE
JOIN OUR GROUP
મોરબીમાં જિલ્લા કક્ષાની RBI ક્વિઝ સ્પર્ધા બી.આર.સી ભવન ખાતે યોજાઈ
નાણાકીય સમાવેશન અને વિકાસ વિભાગ ભારતીય રિઝર્વ બેન્ક અમદાવાદ દ્રારા જિલ્લા કક્ષાની નાણાકીય સાક્ષરતા પર અખિલ ભારતીય કવિઝ ૨૦૨૩ નું આયોજન મોરબી બીઆરસી ભવન ખાતે કરવામાં આવ્યું હતું જેમાં ટંકારા તાલુકાની સજનપર પ્રાથમિક શાળાના વિધાર્થીઓએ પ્રથમ ક્રમાંક મેળવ્યો છે અને માળીયા તાલુકાની મોટા દહીંસરા કન્યા પ્રાથમિક શાળાએ દ્વિતીય ક્રમ તેમજ હળવદ તાલુકાની ઢવાણા માધ્યમિક શાળાના વિધાર્થીઓએ ત્રીજો ક્રમ મેળવેલ છે આ ક્વિઝમાં જનરલ નોલેજ, આર.બી.આઈ./બેન્કિંગ રિલેટેડ પ્રશ્નો, ફાઈનાંસિયલ ઈન્સ્ટિટ્યુશનને લગતા પ્રશ્નો, G20 અંતર્ગત પ્રશ્નો જેવા વિવિધ રાઉન્ડ સામેલ હતા. જેમાં જિલ્લા કક્ષાની સ્પર્ધા હોઈ પ્રશ્નોનું લેવલ પણ વિદ્યાર્થીઓની ઉચ્ચતમ બૌધિક ક્ષમતા માગી લે તેવું હતું. જેમાં ભાગ લેનાર શાળાઓના શિક્ષકોએ ખૂબ રસ પૂર્વક બાળકોને ક્વિઝ માટે તૈયાર કર્યા હોવાનું પ્રતીત થતું હતું. આ જિલ્લા કક્ષાની આ સ્પર્ધામાં રિઝર્વ બેન્ક ઓફ ઈન્ડિયામાંથી આસિસ્ટન્ટ મેનેજર રવીન્દ્ર કરાલે તથા એલસીએમ સુરેન્દ્ર ચૌધરી ખાસ ઉપસ્થિત રહ્યા હતા. અને વિજેતા ટીમોને સર્ટિફિકેટ તથા શિલ્ડ વડે સન્માનિત કરાયા તેમજ ભાગ લેનાર દરેકને આરબીઆઈ દ્વારા સર્ટીફીકેટ આપવામાં આવ્યા હતા અને મદદનીશ પ્રોજેક્ટ કો.ઓર્ડીનેટર પ્રવિણભાઇ ભોરણીયાના નિર્દેશનમાં બીઆરસી ચિરાગભાઈ આદ્રોજા, બાબુલાલ દેલવાડિયા,વિરલભાઈ સાણજા તથા ટીમ દ્વારા સમગ્ર ક્વિઝનું સુંદર આયોજન કરવામાં આવ્યું હતું.
