મોરબીના ખેવારીયા ગામે જાહેરમાં જુગાર રમતા પાંચની ધરપકડ
SHARE
JOIN OUR GROUP
મોરબીના ખેવારીયા ગામે જાહેરમાં જુગાર રમતા પાંચની ધરપકડ
મોરબી તાલુકા પોલીસે મોળી રાત્રીના નાઈટ રાઉન્ડ દરમિયાન મોરબીના ખેવારીયા ગામે જાહેરમાં જુગાર રમી રહેલા પાંચ ઇસોમો ઉપર રેડ કરીને રોકડ રકમ સાથે પાંચની ધરપકડ કરી હતી.
મોરબી તાલુકા પોલીસ સુત્રોમાંથી મળતી માહિતી પ્રમાણે સ્ટાફ નાઇટ રાઉન્ડમાં હતો તે દરમિયાનમાં મળેલ બાતમીના આધારે મોરબીના ખેવારીયા ગામે રામજી મંદિર વાળી શેરીમાં રેડ કરવામાં આવી હતી ત્યારે ત્યાં જાહેરમાં જુગાર રમી રહેલ રજનીકાંત ઉર્ફે લાલો હંસરાજ જોશી (૩૦) રહે. મૂળ ખેવારીયા હાલ રહે.મોરબી વાવડી રોડ ભગવતીપરા, રમેશ બચુ કાલરીયા પટેલ (૪૫), ગોરધન અવચર રાજપરા પટેલ (૫૩), ભીખુભા બાલુભા જાડેજા દરબાર (૪૫) અને રાજેશ જેઠા પ્રજાપતિ કુંભાર (૩૭) રહે.બધા ખેવારીયા વાળા જાહેરમાં જુગાર રમતા મળી આવતા તેઓ પાસેથી રોકડા રૂપિયા ૧૧,૨૧૦ જપ્ત કરીને પાંચેય સામે જુગારધારાની કલમ ૧૨ મુજબ કાર્યવાહી કરવામાં આવી હતી.
અકસ્માતમાં ઇજા
મોરબી વાંકાનેર હાઈવે ઉપર આવેલ કુબેર સિનેમા પાસેથી મોરબીના વીસીપરા વિસ્તારમાં આવેલ રમેશ કોટન મીલની ચાલીમાં રહેતા હરગોવિંદભાઈ દયારામભાઈ ચૌહાણ (૪૫) નામનો યુવાન પસાર થઈ રહ્યો હતો ત્યારે કોઈ અજાણ્યા વાહન ચાલકે તેને હડફેટે લેતા ઇજા થઈ હતી જેથી હરગોવિંદભાઈ ચૌહાણને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપવામાં આવ્યા બાદ આ બનાવ અંગેની મોરબી બી ડિવિઝન પોલીસને જાણ કરવામાં આવી હતી.
મારામારીમાં ઇજા
મોરબી શહેરના સામાકાંઠા વિસ્તારમાં નટરાજ ફાટક પાસે આવેલ વાઘજી બાપુના બાવલા પાસે મારામારીનો બનાવ બન્યો હતો જેમાં મોરબીના રવાપર રોડ ઉપર આવેલ કાલિકા પ્લોટમાં ભવાની સોડા વાળી શેરીમાં રહેતા અક્રમ અમીનભાઇ કાદરી (૨૧) નામના યુવાનને ઇજા થઈ હતી જેથી કરીને ઈજા પામેલ હાલતમાં તે યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે.આ બનાવની આગળની વધુ તપાસ વાલભા ચાવડા ચલાવી રહ્યા છે.
