મોરબીની જનકપુરી સોસાયટીમાં યુવાનને છરીનો ઘા ઝીકનાર આરોપીની ધરપકડ

મોરબીના વીસીપરામાં રહેતો યુવાન માળીયા હાઇવે ઉપર આવેલ જનકપુરી સોસાયટીમાં તેના મિત્ર સાથે આરોપી પાસેથી પૈસાની લેવડદેવડ બાબતે વાતચીત કરવા માટે ગયો હતો ત્યારે આરોપી એકદમ ઉશ્કેરાઈ જઈને જાનથી મારી નાખવાની ધમકી આપી હતી અને ગાળો આપી હતી જેથી કરીને ગાળો આપવાની ના કહેતા આરોપીએ તેની પાસે રહેલ છરી ફરિયાદી યુવાનને મારીને ઇજા કરી હતી જેની બી ડિવિઝન પોલીસ સ્ટેશન ખાતે ફરિયાદ નોંધાઇ હતી તેના આધારે પોલીસે આરોપીની ધરપકડ કરેલ છે.

જાણવા મળતી માહિતી મુજબ મોરબીના વીસીપરા વિસ્તારમાં હનુમાનજી મંદિર પાસે રહેતો અને રીક્ષા ડ્રાઇવિંગનું કામ કરતો સુનિલભાઈ મનુભાઈ રાવા જાતે ભરવાડ (૨૫) એ માળિયા હાઇવે ઉપર આવેલ જનકપુરી સોસાયટીમાં રહેતા મનોજ સોલંકી સામે બી ડિવિઝન પોલીસ સ્ટેશન ખાતે ફરિયાદ નોંધાવી હતી કે, તે તેના મિત્રની સાથે આરોપી મનોજ સોલંકી પાસે પૈસાની લેવડ-દેવડની વાતચીત કરવા માટે થઈને ગયો હતો ત્યારે આરોપી એકદમ ઉશ્કેરાઈ ગયો હતો અને તેણે ફરિયાદી યુવાનને ગાળો આપીને જાનથી મારી નાખવાની ધમકી આપી હતી ત્યારે ફરિયાદીએ ગાળો આપવાની ના પાડતા આરોપીએ છરી વડે હુમલો કરીને ફરિયાદીને છરી મારી હતી જેથી કરીને ઈજા પામેલ યુવાનને સારવાર લઈને બી ડિવિઝન પોલીસ સ્ટેશન ખાતે ફરિયાદ નોંધાવી હતી જેના આધારે આરોપી મનોજભાઈ ઉર્ફે સન્ની બળદેવભાઈ સોલંકી (૪૦) રહે.જનકપુરી સોસાયટી મોરબી વાળાની ધરપકડ તપાસનીસ વાલભા ચાવડા દ્વારા ધરપકડ કરવામાં આવેલ છે.