મોરબીમાં જનકપુરી સોસાયટીના મકાનમાંથી ૧૬૮ બોટલ દારૂ સાથે એક શખ્સ ઝડપાયો
SHARE
JOIN OUR GROUP
મોરબીમાં જનકપુરી સોસાયટીના મકાનમાંથી ૧૬૮ બોટલ દારૂ સાથે એક શખ્સ ઝડપાયો
મોરબી માળિયા હાઇવે ઉપર આવેલ જનકપુરી સોસાયટીના રહેણાંક મકાનમાં દારૂનો જથ્થો હોવાની બાતમી મળી હતી જેના આધારે બી ડીવીઝન પોલીસની ટીમ દ્વારા ત્યાં રેડ કરવામાં આવી હતી ત્યારે ઘરમાંથી દારૂની ૧૬૮ બોટલ મળી આવી હતી જેથી કરીને પોલીસે ૨૫૭૦૦ નો મુદ્દામાલ કબજે કર્યો હતો અને એક શખ્સની ધરપકડ કરવામાં આવેલ છે
મોરબી મોરબી હાઇવે ઉપર આવેલ જનકપુરી સોસાયટીના મકાન નંબર ૧૦૨ માં રહેતા શખ્સનાં ઘરમાં દારૂનો જથ્થો હોવાની બી ડિવિઝન પોલીસની ટીમને હકીકત મળી હતી જેના આધારે પોલીસે ત્યાં રેડ કરી હતી ત્યારે ઘરમાંથી દારૂની નાની મોટી કુલ મળીને ૧૬૮ બોટલ મળી આવતા પોલીસે ૨૫,૭૦૦ ની કિંમતનો દારૂનો જથ્થો કબજે કર્યો હતો અને વિપુલભાઈ મનસુખભાઈ દલવાણીયા જાતે કોળી (૨૨) રહે. જનકપુરી સોસાયટી મોરબી વાળાની ધરપકડ કરેલ છે અને તેની સામે મોરબી બી ડિવિઝન પોલીસ સ્ટેશન ખાતે ગુનો નોંધીને તેની પાસેથી મળી આવેલ દારૂની બોટલો તે ક્યાંથી લાવ્યો હતો તે દિશામાં હાલમાં પોલીસે તપાસ શરૂ કરેલ છે
એક બોટલ દારૂ
મોરબી નજીકના શનાળા ગામે ઝાંપા પાસેથી પસાર થઈ રહેલા શખ્સને રોકીને પોલીસે ચેક કરતા તેની પાસેથી દારૂની એક બોટલ મળી આવી હતી જેથી કરીને અઢીસો રૂપિયાની કિંમતની દારૂની બોટલ કબજે કરી હતી અને આરોપી દીપકભાઈ વશરામભાઈ સનારિયા (૩૦) રહે. સાંઈબાબા મંદિર વાળી શેરી સનાળા વાળાની ધરપકડ કરેલ છે
મારામારીમાં ઇજા
મોરબી તાલુકાના હજનાળી ગામે મારામારીમાં ઈજા થતાં કંચનબેન રવજીભાઈ પરમાર (૩૫) નામની મહિલાને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને વધુમાં તાલુકા પોલીસ સ્ટેશન ખાતેથી મળતી માહિતી મુજબ કંચનબેન પરમારના ઘરે થયેલ મારામારીના બનાવમાં તેને ઈજા થઇ હોવાથી સારવાર માટે હોસ્પિટલે લઈને આવ્યા છે અને આ બનાવની આગળની વધુ તપાસ અર્જુનસિંહ ઝાલા ચલાવી રહ્યા છે
