મોરબીના રામગઢ (કોયલી) ગામે જાહેરમાં જુગાર રમતા પાંચની ધરપકડ
SHARE
JOIN OUR GROUP
મોરબીના રામગઢ (કોયલી) ગામે જાહેરમાં જુગાર રમતા પાંચની ધરપકડ
મોરબી તાલુકાના રામગઢ (કોઇલી) ગામે જાહેરમાં જુગાર રમવામાં આવી રહ્યો હોવાની બાતમીના આધારે તાલુકા પોલીસ સ્ટાફ દ્વારા રેડ કરવામાં આવી હતી ત્યારે જાહેરમાં જુગાર રમી રહેલા પાંચ પતાપ્રેમીઓ ત્યાંથી મળી આવતા રોકડા રૂપિયા ૩૫,૭૦૦ સાથે પાંચેયની ધરપકડ કરવામાં આવી હતી.
મોરબી તાલુકા પોલીસ સૂત્રોમાંથી મળતી માહિતી મુજબ મોરબી તાલુકાના રામગઢ (કોયલી) ગામે જાહેરમાં જુગાર રમવામાં આવી રહ્યો હોવાની તાલુકા પોલીસને બાતમી મળતા પોલીસે રેડ કરી હતી ત્યારે ત્યાં જાહેરમાં જુગાર રમી રહેલા નિલેશ ભૂરા ભીમાણી (૪૯), મહેન્દ્ર આણંદ ભીમાણી (૩૬), અરવિંદ અર્જુન પનારા (૩૩), વિપુલ હરજી પનારા (૩૫) અને પરેશ દેવરાજ રાણીપા જાહેરમાં જુગાર રમતા મળી આવતા પાંચ ઈસમોની રોકડા રૂપિયા ૩૫,૭૦૦ સાથે મોડી રાત્રિના ધરપકડ કરવામાં આવી હતી અને પાંચેયની સામે તાલુકા પોલીસ મથક ખાતે જુગાર ધારા હેઠળ ગુનો નોંધવામાં આવ્યો હોવાનું જાણવા મળ્યું છે.
આધેડ મહિલા સારવારમાં
મોરબીના કંડલા બાયપાસ ઉપર આવેલ કામધેનુ પાર્ટી પ્લોટ સામે આવેલ ઇન્દ્રપ્રસ્થ સોસાયટીમાં રહેતા ભાનુબેન જીવણભાઈ પંચાસરા નામના ૬૩ વર્ષીય આધેડ મહિલાને વાહન અકસ્માતમાં ઇજા થતાં અત્રેની ક્રિષ્ના હોસ્પિટલ ખાતે સારવાર માટે લઈ જવામાં આવ્યા હતા.વધુમાં એ ડિવિઝન પોલીસ સૂત્રોના જણાવ્યા પ્રમાણે ભાનુબેન પંચાસરા તેઓની ઇન્દ્રપ્રસ્થ સોસાયટીના ગેઇટ નજીકથી પગપાળા જતા હતા ત્યારે અજાણ્યા બાઇક ચાલકે તેઓને હડફેટે લેતા ઈજાઓ થતા સારવારમાં ખસેડાયા હતા હાલ બનાવ સંદર્ભે હરેશભાઈ ચાવડા તપાસ ચલાવી રહ્યા હોવાનું જાણવા મળેલ છે.
તેમજ મોરબીના માળિયા હાઇવે ઉપર આવેલા ટીંબડી ગામના પાટીયા પાસે સર્જાયેલ વાહન અકસ્માતના બનાવમાં ઈજા પામેલ નવઘણભાઈ છગનભાઈ પીપળીયા નામના યુવાનને સારવાર માટે અત્રેની સિવિલે ખસેડવામાં આવ્યો હતો સિવિલ હોસ્પિટલના સ્ટાફ દ્વારા તેની સારવાર કરવામાં આવ્યા બાદ બનાવ સંદર્ભે હાલ તાલુકા પોલીસમાં જાણ કરાતા તાલુકા પોલીસ મથકના બીટ વિસ્તારના જમાદાર એમ.એલ.બારૈયા દ્વારા આ અંગે આગળ તપાસ કરવામાં આવી રહી હોવાનું જાણવા મળેલ છે.
