વાંકાનેરના રાતાવીરડા પાસે સીરામીક કારખાનામાં મશીનના કન્વેબેલ્ટમાં માથું આવી જતાં યુવાનનું મોત
Morbi Today
મોરબી-માળિયા હાઇવે સોખડા પાસે બાઈક ચાલકને કાર ચાલકે હેડફેટે લેતા ઘવાયેલ યુવાન સારવારમાં
SHARE
JOIN OUR GROUP
મોરબી-માળિયા હાઇવે સોખડા પાસે બાઈક ચાલકને કાર ચાલકે હેડફેટે લેતા ઘવાયેલ યુવાન સારવારમાં
મોરબીના માળિયા હાઇવે ઉપર આવેલ સોખડા ગામ નજીક વહાન અકસ્માતનો બનાવ બન્યો હતો જે બનાવમાં બાઈક લઈને જતાં યુવાનના બાઇકને અજાણ્યા કાર ચાલકે હડફેટ લેતા ઈજા પામેલા યુવાનને સારવારમાં ખસેડાયો હતો.
મોરબી સીટી બી ડિવિઝન પોલીસ સૂત્રોમાંથી મળતી માહિતી મુજબ મોરબીના વીસીપરામાં આવેલ કુલીનગર વિસ્તારમાં રહેતા સલીમ હુસેનભાઇ કટિયા નામના ૪૫ વર્ષના યુવાનને વાહન અકસ્માતના બનાવમાં ઈજા થતા સારવાર માટે શહેરના સામાકાંઠે આવેલ સમર્પણ હોસ્પિટલે લઈ જવામાં આવ્યો હતો. સમર્પણ હોસ્પિટલ ખાતે તેની સારવાર કરવામાં આવ્યા બાદ હોસ્પિટલેથી સીટી બી ડિવિઝન પોલીસને જાણ કરવામાં આવી હતી કે સલીમભાઈ કટિયા બાઈક લઈને માળીયા હાઇવે ઉપરથી જતા હતા ત્યારે સોખડા ગામના પાટીયા નજીક તેઓના બાઈકને અજાણ્યા કાર ચાલકે હડફેટે લેતા ઇજાઓ થવાથી સારવાર માટે ખસેડાયા હતા હાલ બી ડિવિઝન પોલીસ મથકના વી.કે.ચાવડા આ અંગે આગળની તપાસ ચલાવી રહ્યા છે.
ફિનાઇલ પી જતા સારવારમાં
મોરબીના રવાપર રોડ ઉપર આવેલ કાલિકા પ્લોટ વિસ્તારમાં રહેતી મહિલા તેના ઘેર કોઈ કારણોસર ફીનાઇલ પી જતા સારવાર માટે સિવિલે ખસેડાયા હતા જેતુનબેન ગુલામભાઈ સબીરભાઈ માલાણી નામની ૪૦ વર્ષની મહિલા તેના ઘેર કોઈ અગમ્ય કારણોસર ફીનાઈલ પી ગયા હતા જેથી તેઓને સારવાર માટે સિવિલે ખસેડાયા હતા અને સિવિલ હોસ્પિટલ ખાતેથી બનાવ અંગે જાણ કરવામાં આવેલી હોય હાલ એ ડિવિઝન પોલીસ મથકના વિપુલભાઈ ફૂલતરીયા દ્રારા બનાવ અંગે નોંધ કરીને આગળની તપાસ હાથ ધરવામાં આવેલ છે.
મારામારીમાં ઇજા થતા સારવારમાં
મોરબીના સામાકાંઠે ભડીયાદ નજીક આવેલા ભડીયાદ કાંટા પાસે રહેતા ઝરીનાબેન મોહમ્મદભાઈ માલાણી નામની ૩૦ વર્ષની મહિલાને તેણીના ઘરે મારામારીના બનાવમાં ઇજાઓ થયેલી હોય તેણીને સારવાર માટે સિવિલે ખસેડવામાં આવી હતી સિવિલ હોસ્પિટલ ખાતે સારવાર કર્યા બાદ આ અંગે બી ડિવિઝન પોલીસ મથકે જાણ કરવામાં આવતા બી ડિવિઝન પોલીસ મથકના વાલભા ચાવડા દ્વારા આ અંગે આગળની તપાસ ચલાવવામાં આવી રહી છે.
