મોરબી : પ્રેમલગ્ન કરનાર યુવાનની બહેનને યુવતીની માતા-બહેને માર માર્યો
Morbi Today
મોરબીના દારૂના ગુનામાં રાજકોટના કુખ્યાત બુટલેગર ફિરોજ મેણુ જેલ હવાલે
SHARE
JOIN OUR GROUP
મોરબીના દારૂના ગુનામાં રાજકોટના કુખ્યાત બુટલેગર ફિરોજ મેણુ જેલ હવાલે
મોરબી તાલુકાનાં બેલા ગામ પાસે આવેલ ગોડાઉનમાંથી દારૂનો જથ્થો મળી આવ્યો હતો તે ગુનામાં રાજકોટના કુખ્યાત બુટલેગરની ધરપકડ કરી હતી અને તેને રિમાન્ડ ઉપર લીધો હતો જેના રિમાન્ડ પૂરા થતાં આ આરોપીને જેલ હવાલે કરવામાં આવેલ છે.
રાજકોટના દિવાનપરા મેઇન રોડ ઉપર નીલકંઠ પાર્કની બાજુમાં ખ્વાજા એપાર્ટમેન્ટમાં રહેતો રાજકોટનો કુખ્યાત બુટલેગર ફિરોજ હાસમભાઇ મેણુ (૪૨)નો મોરબીના બેલા ગામની સીમમાં આવેલ સાંઇ ઇન્ડસ્ટ્રીમાં પવનસુત ઓફસેટ પ્લોટ નંબર-૨ વાળા ગોડાઉનમાંથી દારૂનો જથ્થો મળી આવ્યો હતો અને પોલીસે ત્યારે દારૂની ૩૭૮૦ બોટલો જેની કિંમત ૧૫,૧૯,૩૨૦ તેમજ અન્ય મુદામાલ મળીને કુલ ૨૦,૧૯,૩૨૦ નો મુદામાલ કબજે કર્યો હતો જે ગુનામાં ફિરોજભાઇ હાસમભાઇ મેણુની ધરપકડ કરી હતી અને આરોપીને રિમાન્ડ ઉપર લેવામાં આવ્યો હતો જો કે, આરોપીના રિમાન્ડ પૂરા થતાં તેને કોર્ટમાં રજૂ કરીને જેલ હવાલે કરવામાં આવેલ છે તેવું પોલીસ પાસેથી જાણવા મળેલ છે.
અકસ્માતમાં ઇજા
મોરબી તાલુકાના જાંબુડીયા ગામ નજીક દશામાના મંદિર પાસે માર્ગ અકસ્માતનો બનાવ બન્યો હતો જેમાં હળવદ તાલુકાના કવાડિયા ગામે રહેતા દેવાભાઈ બુઢાભાઈ ઘેરા જાતે સલાટ (ઉંમર ૪૪) ને ઈજા થઈ હોવાથી તેને ઇજાગ્રસ્ત હાલતમાં મોરબીની ખાનગી હોસ્પિટલમાં સારવાર માટે લઈને આવ્યા હતા અને અકસ્માતના આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી.
અકસ્માતમાં ઇજા
મોરબીના નવલખી રોડ ઉપર આવેલ જેપુર ગામે રહેતા બાબુભાઈ ધરમશીભાઈ સાણંજા (ઉંમર ૬૪) પોતાના ખેતરેથી ઘર તરફ જતા હતા ત્યારે રસ્તામાં જેપુર ગામ નજીક કાર ચાલકે તેને હડફેટે લેતા બાબુભાઈને ઇજા થઈ હતી જેથી કરીને તેને મોરબીની ખાનગી હોસ્પિટલમાં સારવાર માટે લઈને આવ્યા હતા અને અકસ્માતના આ બનાવની મોરબી તાલુકા પોલીસને જાણ કરવામાં આવી હતી.
