મોરબીના ગાળા પાસે કારખાનાના લેબર ક્વાર્ટરની છત ઉપરથી નીચે પડતાં યુવાનનું મોત
SHARE
JOIN OUR GROUP
મોરબીના ગાળા પાસે કારખાનાના લેબર ક્વાર્ટરની છત ઉપરથી નીચે પડતાં યુવાનનું મોત
મોરબી તાલુકાના ગાળા ગામના પાટીયા પાસે આવેલ કારખાનામાં લેબર ક્વાર્ટરની છત ઉપરથી યુવાન નીચે પડ્યો હતો જેથી માથામાં ઇજા પામેલ યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં ફરજ ઉપરના ડોક્ટરે તેને મૃત જાહેર કર્યો હતો જેથી કરીને અકસ્માત મૃત્યુના બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી
જાણવા મળતી વિગત પ્રમાણે મોરબી તાલુકાના ગાળા ગામના પાટીયા પાસે આવેલ એન્ટેનોવા ટાઇલ્સ પ્રાઇવેટ લિમિટેડ નામના કારખાનામાં લેબર કવાર્ટરમાં રહેતો અને ત્યાં મજૂરી કામ કરતો હિતેશભાઈ વેસ્તાભાઈ ગાડરીયા (૨૫) નામનો યુવાન લેબર ક્વાર્ટરની છત ઉપર હતી ત્યારે છત ઉપરથી નીચે પટકાતા તેને માથાના ભાગે ગંભીર ઇજા થઈ હતી જેથી કરીને તેનું મૃત્યુ નિપજતા તેના ડેડબોડીને મોરબીની સિવિલ હોસ્પિટલ ખાતે લઈને આવ્યા હતા અને આ બનાવની સિવિલ હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસ અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી હાથ ધરી હતી
મારા મારીમાં ઇજા
મોરબીના જુના બસ સ્ટેન્ડ પાસે મારામારીનો બનાવ બન્યો હતો જેમાં દાહોદના રહેવાસી નરેશભાઈ બાલીભાઈ ભીલ (૨૧) નામના યુવાનને ઈજા થઈ હતી જેથી આ યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની મોરબી સીટી એ ડિવિઝન પોલીસને જાણ કરતા પોલીસે બનાવની નોંધ કરીને રાબેતા મુજબની કાર્યવાહી હાથ ધરી હતી
