અજય લોરિયા સાથે મારે આડા નહીં ધંધાકીય સંબંધ છે: મોરબીના પતિ-પત્નીના વિવાદમાં શ્રદ્ધા રાજપરાનો ખુલાસો
Morbi Today
મોરબીના ઘુંટુ ગામે ઘરમાં પાણીના ટાંકામાં ડૂબી જતા બાળકનું મોત
SHARE
JOIN OUR GROUP
મોરબીના ઘુંટુ ગામે ઘરમાં પાણીના ટાંકામાં ડૂબી જતા બાળકનું મોત
મોરબી તાલુકાના ઘુંટુ ગામે ઘરના પાણીના ટાંકામાં ડૂબી જવાથી બાળકનું મોત નિપજયુ હોવાનો બનાવ સામે આવ્યો છે. બનાવ અંગે મળતી વિગતો મુજબ મોરબી તાલુકાના ઘુંટુ ગામે રહેતા અમિતભાઈ ચંદુભાઈ ઝિંઝુવાડીયાનો પાંચ વર્ષનો દીકરો ચેતન તેમના ઘરમાં રમતો હતો ત્યારે ઘરના પાણીના ટાંકામાં ડૂબી ગયો હતો જેથી કરીને બેભાન હાલતમાં તેને અહીંની સિવિલ હોસ્પિટલે લાવવામાં આવતા ફરજ પરના ડો.પાંચોટિયા દ્વારા તેને જોઈ તપાસીને મૃત જાહેર કરવામાં આવ્યો હતો અને બનાવ અંગે મોરબી તાલુકા પોલીસ મથકને જાણ કરવામાં આવતા તાલુકા પોલીસ મથકના જે.એમ.જાડેજા દ્વારા બનાવ અંગે નોંધ કરીને આ અંગે આગળની તપાસ હાથ ધરવામાં આવી હતી.
કામ દરમિયાન મશીનમાં હાથ આવી જતા સારવારમાં
મોરબીના જેતપર રોડ ઉપર પાવળીયારી કેનાલ પાસે શાપર-જેતપર રોડ ઉપર આવેલ દિલિસો સિરામિક નામના યુનિટમાં કામ દરમિયાન મશીનમાં હાથ આવી જવાથી ઇજા પામેલા ગોવિંદા રેંકવાર નામના પરપ્રાંતિય મજૂર યુવાનને શહેરના સામાકાંઠે આવેલ શિવમ હોસ્પિટલે સારવાર માટે ખસેડવામાં આવ્યો હતો બનાવની જાણ થવાથી તાલુકા પોલીસ મથકના ફિરોજભાઈ સુમરા દ્વારા આ અંગે આગળની તપાસ ચલાવવામાં આવી રહી છે. જ્યારે મોરબીના શનાળા ગામ પાસે રાજપર રોડ ઉપર આવેલ શક્તિ રબર પ્રોડક્ટ નામના યુનિટમાં કામ દરમિયાન મશીનમાં હાથ આવી જતા રમેશરામ મુસાફિરરામ નામના ૩૫ વર્ષીય મજૂર યુવાનને સિવિલ હોસ્પિટલે સારવાર માટે લાવવામાં આવ્યો હતો.
વાહન અકસ્માતમાં ઈજા
મોરબીના માળિયા મીંયાણા તાલુકાના વવાણીયા ગામે આવેલ નાના કોળીવાસ વિસ્તારમાં રહેતો મનસુખ રવજીભાઈ ખીમાણીયા નામનો ૩૧ વર્ષનો યુવાન હેવી ટ્રક લઈને જતો હતો ત્યારે ટ્રક ફાટકની સાથે અથડાવાથી માથાના ભાગે તેમજ ડાબા હાથના ભાગે ઈજા પામેલ મનસુખભાઈ ખીમાણીયાને સારવારમાં ખસેડાયા હતા બનાવની જાણ થતા હાલમાં તાલુકા પોલીસ મથકના મનીષભાઈ બારૈયા દ્વારા તપાસ ચલાવવામાં આવી રહી છે.જ્યારે મોરબી-કંડલા હાઇવે ઉપર આવેલ કામધેનુ પાર્ટી પ્લોટ પાછળ રહેતા બાબુભાઈ પ્રભુભાઈ પરમાર નામના ૨૯ વર્ષના યુવાનને ઘર પાસે થયેલ મારામારીના બનાવમાં ઈજા થતા સારવારમાં ખસેડાયો હતો
